امریکی ریاست ٹیکساس ءَ ٹرالرے ءِ تہ ءَ 46 کسانی لاش دزکپتگ اَنت

امریکہ ءِ اُستان ٹیکساس شھر ءَ سان انتونیو ءَ یک ٹرکے ءِ تہ ءَ کم چہ کم 46 مردمانی لاش دزکپتگ اَنت-

خبر رساں ایجنسی ایسوسی ایٹڈ پریس ءِ رد ءَ گمان کنگ بیت کہ اے گیر کانونی پناہ گزین اَنت کہ ٹیکساس ءِ زربار ءَ روگ ءَ بیتگ اَنت-

واکداراں دگہ پانزدہ کس ٹرک ءَ چہ دمگی ھسپتال ءَ برتگ اَنت سان انتونیو ءِ دمگی نیوز چینل ووائے ءَ رپورٹ ءِ تہ ءَ گُشتگ کہ بیران بیتگین مردمانی بارو ءَ پولیس پٹ ءُ پول کنگ ءَ اِنت –

نیوز چینل ءِ رد ءَ ٹرک زرباری روکپت ءِ ھند ءَ ریل ءِ پٹی ءِ نزیک ءَ دزکپتگ-

سان انتونیو پولیس ءَ سرجمیں وئیل ءِ بیگ ءَ پد ھم دگہ گیشیں رپورٹ ءِ درگت ءَ ھچ گامگیج دیم ءَ نیتکگ اَنت-

نیوز چینل ءِ نیمگ ءَ ٹوئٹر ءَ شنگ کرتگیں اکساں گندگ بیت اِنت یک ٹرالرے ءِ نزیک ءَ پولیس بازیں کچے ءَ جاڑیگ اِنت ءُ اود ءَ لاش کشیں گاڑی ھم اوشتاگ اَنت-

ایسوسی ایٹڈ پریس ءِ رد ءَ میکسیو ءِ سیمسراں امریکہ ءَ گیر کانونی آیگ ءِ جھد کنوک گوستگیں گوستگیں دھکاں ھزاراں مردم بیران بیتگ اَنت اے وئیل درستاں گیشتر بیرانی گوشگ بیت اِنت-

سان انتونیو ءِ دمگ ءَ سال دوھزار ءُ ھبدہ ءَ گیرکانونی ءَ یک ٹرکے ءِ تہ ءَ ھمے وڑ ءَ مردمانی بیرانی بیتگ اَت ھمے وڑ سال دوھزار ءُ سَے ءَ پیش اتکگیں وئیلے ءَ نوزدہ مردم گیرکانونی ءَ روکیں مردم ٹرک ءِ تہ ءَ دم گُٹ بیتگ ءُ بیران بیتگ اَنت-