کیچ ءَ یک مردمے ءَ وتکشی کُتگ

بلوچستان ءِ ضلع کیچ ءَ یک مردمے ءَ وتی گُٹ ءَ ساد مان کتگ ءُ وتکشی کتگ –

وتکشی ءِ کنوکیں مردم ءِ پجّار رسول بخش ء پاھند خان نام ءَ چہ بوتگ – پولیس ءَ لاش گیشیں پٹ ءُ پول ءَ پد کھول ءَ داتگ-

دی بلوچستان پوسٹ پتر ءِ رِد ءَ اے سال ءَ بلوچستان ءِ جتائیں دمگاں دہ ءِ نزیک ءَ وتکشی ءِ وئیل رپورٹ بوتگ اے سال ءَ بوتگیں وئیل ءَ پسنی جیونی ءَ یک ورنایے رازق ء عبدالخالق لاش ڈگاراں یک دْرچکے ءَ لوجان بوتگ وھدے کہ قلات ءَ پانزدہ سالی ئیں ورناہ ءَ کارچ سر ءَ وتی گُٹ بُر اِتگ وتکشی کنگ ءِ جُھد کتگ –

ھمے وڑ ھمے سال ءَ وتکشی ءِ وئیل ءَ بارکھان ءَ بیروزگاری ءَ چہ لاچار بوتگ ءُ فرید احمد ء سعید احمد ءَ گُٹ ساد مان کتگ ءُ وتکشی کتگ – یک وئیلے ضلع گوادر ءَ نیا آباد شمبے اسماعیل وارڈ ءَ دیم ءَ اَتکگ کہ اود ءَ زالبولے ءَ ناشناسیں سببے ءَ وت ءَ تیر جتگ ءُ کُشتگ-

وتکشی ءِ وئیل ءَ بلوچستان ءِ ضلع کیچ ءَ دو وئیل رپورٹ بوتگ کہ اود ءَ ضلع کیچ ءِ دمگ ھوشاپ تل ءَ اسماعیل ء گل محمد ءُ تمپ گومازی ءَ عادل ء نبی بخش ءَ وتی گُٹ ءَ ساد مان کتگ ءُ وتکشی کتگ-

اے وئیلاں روکیں سال ءِ جنوری ءِ ماہ ءَ بلوچستان ءِ ضلع ھُزدار ءِ نندوک ءُ سکینڈ ائیر ءِ نودربر ءَ وتکشی کنوکیں عرفان ء غلام رسول بارانزئی ءَ ھم وتکشی کتگ وھدے کہ وتکشی ءِ یک وئیلے قلات ءِ دمگ ڈیری فارم کوئنگ قلات ءَ بوتگ کہ آئی ءِ پجّار ممتاز احمد ء عبدالکریم مینگل نام ءَ چہ بوتگ اَنت –

یکے ءِ کساس رِد ءَ بلوچستان ءَ وتکشی ءِ وئیل گیش بیت بلے لھتے رپورٹ رسانکدر ءَ نکش بنت گیشتریں مردم بے روزگاری ءَ لاچار بنت ءُ وتکشی کن اَنت وھدے کہ یکجاھی ھساب ءَ وتکشی ءِ کچ پدر نہ بوتگ اَنت-

ھیومین رائٹس کمیشن آف پاکستان ءِ یک رپورٹے ءِ رِد ءَ 2020 ءَ 1،735 مردم کہ آیانی تہ ءَ 1،086 مردین ءُ 649 زالبول ءَ وتکشی کتگ وھدے کہ کمیشن ءَ زالبولانی وتکشی ءِ سبب کھول سر ءَ داتگ-