یورپئین پریمئیر لیگ ءُ دومی نیمگ ءَ اسپینش لالیگا فٹبال لیگ گوازی برجاہ انت

پریمئیر لیگ فٹبال گوازی ءَ ٹوٹنہم، نیوکاسٹل، آسٹون ویلا ءُ مانچسٹر سٹی ءَ گوازی کٹ اِتگ انت لالیگا لیگ ءَ ویلنسیا، رئیل میڈریڈ ءُ ایٹلیٹیکو ءَ گوازی کٹ اِتگ انت –

شمبے ءِ روچ ءَ بوتگیں یورپئین پریمئیر لیگ فٹبال گوازی ءَ دوازدہ ٹیمانی میان ءَ گوازی کنگ بوتگ کہ آھانی تہ ءَ ٹوٹنہم ءَ لیڈز یونائیٹڈ ءِ دیم ءَ چار، نیوکاسٹل ءَ برینٹ فورڈ ءِ دیم ءَ دو، آسٹون ویلا ءَ برائیٹون ءِ دیم ءَ دو، مانچسٹر سٹی ءَ ایورٹون ءِ دیم ءَ یک گول ءَ گوازی کٹ اِتگ انت – وھدیکہ پریمئیر لیگ ءِ تہ ءَ وھدیکہ پریمئیر لیگ گوازی ءَ مانچسٹر یونائیٹڈ ءُ وٹفورڈ دیمیگ بوتگ انت ھردو ٹیمانی میان ءَ ھچ گول اسکور کنگ نہ بوتگ – ھمے وڈ کریسٹال فلیس ءُ برنلی ھم یک یک گول ءَ دیمیگ بوتگ انت –

دومی نیمگ ءَ اسپینش لالیگا فٹبال لیگ ءَ شمبے ءِ روچ ءَ ھشت ٹیمانی میان ءَ گوازی کنگ بوتگ انت کہ آھانی تہ ءَ ویلنسیا ءَ ملورکائے دیم ءَ یک ، رئیل میڈریڈ ءَ رائو والکینو ءِ دیم ءَ یک ءُ ایٹلیٹیکو ءَ کیلٹا ویگو ءِ دیم ءَ دو گول ءَ گوازی کٹ اِتگ انت وھدیکہ لالیگا فٹبال لیگ ءَ گیفے ءُ ایلووز دو دو گول ءَ دیمیگ بوتگ انت –

دوشی شپ لالیگا فٹبال لیگ ءِ اولی گوازی ملورکا ءُ ویلنسیا ءِ میان ءَ بوتگ کہ ملورکائے نیمگ ءَ چہ ھچ گول اسکور کنگ نہ بوتگ وھدیکہ ویلنسیا ءِ لیبی گییبرائل گوازی ءِ بندات ءَ چارمی ملٹ ءِ تہ ءَ یک گولے اسکور کُتگ –

دومی گوازی ءَ گیٹفے ءُ ایلووز دو دو گول ءَ دیمیگ بوتگ سیمی گوازی رئیل میڈریڈ ءُ رائو ویلکینو میان ءَ بوتگ کہ رئیل میڈریڈ ءَ یک گول ءَ گوازی کٹ اِتگ – گول اسکورر لیبی بینزیما بوتگ کہ آئی ءَ گوازی ءِ دومی ھاپ ءَ ھشتاد ءُ چارمی ملٹ ءِ تہ ءَ گولے اسکور کتگ ءُ گوازی وتی ٹیم ءِ نام ءَ کُتگ –

لالیگا لیگ ءِ دوشی شپ بوتگیں چارمی گوازی ایٹلیٹکو میڈریڈ ءُ کیلٹاویگو ءِ میان ءَ بوتگ کہ ایٹلیٹیکو ءَ دو گولاں چہ گوازی کٹ اِتگ – ایٹلیٹیکو ءِ نیمگ ءَ چہ ھردو گول رینن لوڈی ءَ داتگ انت گوازی وتی ٹیم ءِ نام ءَ کُتگ –

گوازی ءِ پٹ ءَ روس ءِ نیمگ ءَ یوکرائن سر ءَ بوتگیں اُرش ءِ بگیری ءَ ایورٹون ءِ لیبیاں یوکرائن بیرک مانپوشتگ ءُ پٹ کمو گام جتگ پریمئیر لیگ ءُ آئی ءِ کلب ، لیبی ءُ گوازی ءِ چاروکاں ھمے پیش داشتگ کہ ما گوں یوکرائن ءَ ھمکوپگ انت ھمے وڈا گوازی چاروکانی دست ءَ ھم یوکرائن بیرک بوتگ ءُ پلے کارڈ بوتگ انت کہ آھانی سر ءَ “نو وار” اسٹوپ پوٹن، اسٹوپ وار نبشتہ بوتگ