بلوچستان ءِ جتائیں دمگاں بوتگیں دگ ءِ وئیلاں چہ چُکے ءَ ھوار دو مردم بیران وھدے کہ پنچ ٹپی بوتگ اَنت-
سربوتگیں ھالانی رِد ءَ بلوچستان ءِ دمگ پنجگور ءَ 14 چوک ءِ نزیک ءَ زمیاد گاڑی تُرند روگ ءِ سبب ءَ وئیل آماچ بوتگ، وئیل ءَ چار مردم ٹپی بوتگاَنت-
دومی نیمگ ءَ نوشکی ڈیڈار ءَ ھشت سالی ئیں چُک محمد حسنین ء شمس الحق جمالدینی گاڑی لپاشگ ءَ چہ ھما وھد ءَ بیران بوتگ-
نوشکی ءِ وئیل ءَ گاڑی ڈرائیور پولیس ءَ گپتگ ایف آئی آر نبشتگ کتگ-
مستونگ کلی شیخان دگ ءَ دو پرپٹانی ڈک ورگ ءِ آسر ءَ یک پرپٹ سواریں وسیم ء عبدالقیوم بیران بوتگ وھدے کہ عظیم ء لال محمد نامیں مردمےسک ٹپی بوتگ-
مستونگ وئیل ءَ ٹپی ءُ بیران بوتگیں مردم نواب غوث بخش نادُراھجاہ ءَ برگ بوتگ اَنت-