بلوچستان ءِ دمگ مستونگ ءَ ناشناسیں سلاہ بندیں پرپٹ سواراں تیر گواری کُتگ ءُ لیویز کارمندے کُشتگ۔
بیران بیتگیں لیویز کارمند ءِ پجار حاجی بیگ محمد بنگلزئی ءِ نام ءَ بیتگ۔
تیر گواری ءِ وئیل مستونگ پڑنے آباد ءِ ھند ءَ پرانا گرین ہوٹل ءِ نزیک ءَ دیما اتکگ کہ آودہ ناشناسیں مردمانی تیر گواری ءَ لیویز کارمند حاجی بیگ محمد بنگلزئی بیران بیتگ وھدیکہ کوشکار تچگ ءَ سوبمند بیتگ اَنت۔
اھوالانی ردءَ بیران بیتگیں لیویز کارمند وتی پرپٹ سرءَ کارءَ روگءَ بیتگ کہ ناشناسیں مردماں آ نشانگ کُتگ، آ سرءَ تیر لگگ ءِ سوب ءَ بیران بیتگ۔
لاش ڈسٹرکٹ ہیڈکوارٹر ہسپتال ءَ برگ بیتگ وھدیکہ وئیل ءِ سوب داں انگت زانگ نہ بیتگ اَنت۔