بلوچستان ءَ زورانسری بیگواھیانی ھلاپ کارکنوکیں گل وائس فار بلوچ مسنگ پرنسز ءِ ردءَ محمد اکرم مری ءِ کھول ءَ گل ءِ چیئرمین نصراللہ بلوچ ءَ گون نیاد کُتگ۔
کھول ءَ نیاد ءِ تہءَ محمد اکرم ءِ زورانسری بیگواھی ءِ معلوم داری گل ءَ داتگ اَنت۔
کھول ءِ گُشگ اِنت کہ محمد اکرم مری ء سیف اللہ ھمے سال ءَ 21 فروری ءَ شپ ءِ ادار یازدہ ءَ شال ءِ گوھر آباد ءَ دزگیر کنگ ءُ زورانسری بیگواہ کنگ بیتگ۔
کھول ءَ چہ سرکار ءَ محمد اکرم ءَ یل کنگ ءِ ھاترءَ وتی کرد پیلو کنگ ءِ دزبندی کنان ءَ گُشتگ کہ محمد اکرم دیما آرگ بہ بیت ءُ اگں آئی سرءَ کجام ھم بھتام است اَنت گُڑا آئی ءَ ملکی قانودانی ردءَ آمید گِس ءَ آرگ بہ بیت۔