بلوچستان ءِ جتاجتائیں دمگاں بیتگیں وئیلانی تہ ءَ دو مردم بیران بیتگ اَنت وھدیکہ اے وئیلانی تہ ءَ دوازدہ مردم ٹپی بیتگ اَنت۔
وئیل شال، سبی ءُ بولان ءِ دمگاں بیتگ اَنت۔
اھوالانی رد ءَ شال ءِ دمگ کلی اسماعیل ءَ یک لوگے ءِ تہ ءَ گیس لیک بیگ ءِ سوب ءَ تراک ءِ بیتگ کہ اِشی سوب ءَ دو مردم سوتکگ ءُ ٹپی بیتگ اَنت۔
شال ءِ وئیل ءَ ٹپی بیتگیں جواد اھمد ء علی اھمد ءُ علی اھمد ءِ عبدالنبی ھوار اَنت کہ ھندی واکداراں بولان میڈیکل ھسپتال ءَ برگ بیتگ اَنت۔
دومی نیمگ ءَ بولان پیرینجہ ءِ نزیک ءَ تیزی ءَ روکیں گاڑی چپ بیتگ کہ اِشی سوب ءَ یک مردمے وئیل جاہ ءَ بیران بیتگ وھدیکہ آئی ھمراہ ءَ ھواریں دگہ ھپت مردم ٹپی بیتگ اَنت۔
وھدیکہ کوھلو ءَ سبی ءِ سالی مچی ءَ روکیں ارنڈ ءِ ھند ءَ ڈبل کیبن اولاک ءِ بریک فیل بیگ ءِ سوب ءَ گاڑی کَڈ ءَ کپتگ کہ اِشی سوب ءَ یک مردمے بیران ءُ سَے ٹپی بیتگ اَنت۔
لیویز واکدارانی رد ءَ بیران بیتگیں مردمے پجار ذوالقرنین مری ءِ نام ءَ بیتگ۔