بلوچستان ءِ دمگ پنجگور اولاک سواریں سلاہ بندیں مردماں تیرگواری کُتگ ءُ یک مردمے بیران بیتگ وھدیکہ دو برات بیگواہ کُتگ ءُ گوں وت بُرتگ اَنت۔
وئیل پنجگور ءِ دمگ شاپاتان ءَ پیش اتکگ، تیرگواری ءِ وئیل ءَ بیران بیتگیں مردم ءِ پجار نواز ءِ نام ءَ بیتگ۔
دمگی اھوالانی رد ءَ اولاک سواریں سلاہ بندیں مردماں دو برات سمیر ءُ ضمیر ھم بیگواہ کُتگ اَنت ءُ گوں وت بُرتگ اَنت ءُ آیانی ھمراہ نواز کُشتگ ءُ تتکگ اَنت۔
وھدیکہ وئیل ءِ پشدر داں انگت زانگ نہ بیتگ ءُ پولیس ءِ گُشگ اِنت کہ اے درگت ءَ انگت پَٹ ءُ پول برجاہ اِنت۔