دستونک
دستونکار: اسد ابدال
دی بلوچستان پوسٹ
راہ ءُ دراں کہ سَر کَشّئے بس ژَند ءُ بے سا گندگ بیت
یکے گِدان ءَ تھنا کپتگ یکے بے جا گندگ بیت
اے یک انچیں راھے کہ اے راہ ءِ ندارگ سک گران اِنت
آ کہ دروھیت نیم راہ ءَ آ کہ ھمرا گندگ بیت
چیر نہ اِنت کَس کَسّی چماں مرچاں ھر کَس پیداور
دید بہ بیت بس دیدوکاں اے دراھیں دنیا گِندگ بیت
دوزواھانی گَم بس پہ وت پہ ما کِسّہ ٹاھین اَنت
کَس نہ بیت پدّر آتراپاں زالم ءُ بدوا گندگ بیت
وھد ءَ تئی چمانی ندارگ انچو مَٹّ ءُ بدل کُرتگ
آ کہ تئی دیم ءَ اِنت گار اِنت آ کہ بیگوا گِندگ بیت
ناں ھمراھے ناں کہ دوزواہ ناں دگہ مھلوکے گوں وت
وھدے کہ ابدال دَرا بیت ایوک ءُ تھنا گندگ بیت..!