جرمنی: شاھدربر جاہ ءَ تیر گواری ءَ بازیں مردم ءِ زدگ

سربوتگیں ھالانی ءرِد ءَ جرمنی ءِ روکپتی دمگ ہائیڈلبرگ شاھدربرجاہ ءِ لیکچرار ھال ءَ ناشناسیں سلاہ بندیں نودربر ءِ اُرش ءَ بازیں مردمے زدگ بوتگ ءُ سلاہ بندیں مردم بیران بوتگ –

جرمنی پولیس ءَ گوشگ انت کہ ہیڈ برگ شاھدربرجاہ لیکچر ھال ءَ ناشناسیں نودربر ءَ تیرگواری کتگ چریشی ءَ بازیں مردم ءِ زدگ بوتگ وھدیکہ اُرشکار وت ھم بیران بوتگ تنی وھدی سرجمیں ھال گوشگ نہ بوتگ کہ اے وئیل چون چی ءَ کنگ بوتگ –

آئی ءَ اشی ءَ پیش ٹویٹر ءِ تہ ءَ مردماں گوشتگ کہ آ چہ ہائیڈلبرگ ءِ نیوہیمر فیلڈ ءَ دور بہ انت ھمود ءَ شاھدربر انت –

پولیس ءَ تنی وھدی اے نگوشتگ کہ چینچو مردم زدگ بوتگ یا چینچو مردم ءِ جاور نگیگ انت یونیورسٹی ءِ پریس آفس ھم سرجمیں اھوال دئیگ ءَ انکار کتگ درسیں جست پولیس ءَ دیم دئیگ بوتگ انت –

پولیس ءِ گوشگ انت کہ تیرگواری ءَ کارمرز بوتگیں سلاہ دراج بیرل ءِ توپک ءِ بوتگ –