بلوچستان ءِ بنجاھی شھر شال ءِ جھمنندیں عظمی بلوچ ءَ گُشتگ کہ منی برات گوستگیں سال ءَ اکتوبر ءِ ماہ ءَ بیگواہ کنگ بیتگ۔
آئی ءَ گُشتگ منی برات انجینئر ظھیر بلوچ آئی کارگس “سمارٹ ویز کنسلٹنسی لمیٹڈ ائیرپورٹ روڈ کوئٹہ” ءِ گورءَ چہ بیگواہ کنگ بیتگ۔
آئی ءَ گُشتگ کہ منی برات ءِ سلامتی ءَ یل کنائنگ ءِ ھاترءَ منی کھول ءِ توار جوڑ بہ بئیت۔
زانگ بہ بیت کہ بلوچستان ءَ سیاسی جھدکاراں ھوار زند ءِ ھمک تکءَ سیادی داروکیں مردم ءُ سرکاری کاردارنی ھم زورانسری بیگواھیانی کیس ھم مدام دیما پیداک اَنت۔ بلوچستان ءِ سیاسی پاٹی ءُ انسانی ھقانی گل اے بیگواھیانی بھتام ءَ پاکستانی چیریں ادارگانی ءُ پوج سرءَ جن اَنت۔
بلوچستان ءَ چُشیں بازیں کیس دیما کائنت کہ مردم سالاں اگں بازیں ماھاں چہ بیگواھاں بلے آیانی کھول تُرس ءُ بیم ءِ سوب ءَ وتی کیساں نبشتہ نہ کن اَنت۔
بلوچستان ءَ زورانسری بیگواھیانی بگیری ءَ کارکنوکیں گل وائس فار بلوچ مسنگ پرسنز ءَ چہ ھما درستیں کھولاں دزبندی کُتگ کہ آیانی لوگ ءِ مردم بیگواہ کنگ بیتگ اَنت آ زیت ءَ چہ زیت وتی کیس آں نبشتہ بہ کناں۔