بلوچستان ءِ ضلع کیچ ءِ دمگ تگران ابدوئی ءِ ھند ءَ سیمسر ءِ بندی ءَ چہ دوھزار ءَ گیش تیل گاڑی پس اِتگ اَنت-
ھالانی رِد ءَ پاکستانی پوج ءِ نیمگ ءَ چہ زی پنچ شمبے ءَ نیمروچ ءَ ابدوئی ءِ ھند ءِ سر ءَ سیمسری پوائنٹ بند کنگ بوتگ ءُ چریشی ءِ آسر ءَ ایران ھاک ءَ دوھزار ءَ گیش تیل گاڑی پس اِتگ اَنت ءُ مردماں بزگی یے دیمپان اَنت-
سیمسر ءِ سر ءَ پس اِتگیں ڈرائیوراں رسانکدری اھوالکاراں گوں گپ کتگ کہ آ تُرندیں سارتی شُد ءُ تُن دیمپان اَنت- آیانی گوشگ ءِ رِد ءَ زی ساھت سے ءَ گوازینگی پوائنٹ بند کنگ بوتگ ءُ چریشی ءِ آسر ءَ چہ آ دومی نیمگ ایرانی ھاک ءَ پس اِتگ اَنت-
آیاں ھکومتی واکداراں چہ لوٹ کتگ کہ آیاں لوگانی نیمگ ءَ روگ ءَ بل اَنت-