نیشنل ڈیموکریٹک پارٹی ءِ بُنجاھی جارکش ءَ درشانے شنگ کتگ ءُ گْوشتگ کہ مکران ، جھالاوان ءُ لورالائی میڈیکل کالجز ءِ نودربرانی نیمگ ءَ چہ وتی راھبندی ءُ تچکیں ھکانی ھاتر ءَ شال پریس کلب ءِ دیم ءَ یک زھرشانی نندانکی بُنجلے جتگ ، گوستگیں روچاں پارٹی ءِ بُنجاھی ٹولی ءِ بُنجل ءَ اَتکگ ءُ اسر کپتگیں نودربرانی سرجمیں لوٹانی پلامرزی کتگ ءُ پارٹی ءِ نیمگ ءَ چہ گوں جوانیں وڑے ءَ کمک کنگ ءِ باور کنائینتگ-
جارکش ءَ دیمتر ءَ گْوشتگ کہ پی ایم سی ردیں پالیسیانی سبب ءَ چہ شش سد ءِ نزیک جنک ءَ بچکیں نودربرانی وانگی زندمان ھترہ ءِ تہ ءَ اِنت، پاکستان میڈیکل کمیشن ءَ تھنا اھاں سے کالجانی واستا یک جتا ءُ وتی کد ءِ یک اجبیں نوٹیفکیشن شنگ کتگ کہ اے سرجمیں نودربر رجسٹریشن کنگ ءِ ھاتر ءَ اے درستاں یک شریں چکاسے گرگ بیت اگاں کجام نودربر شریں چکاس ءَ بے سوب بوتگ توری آ کجام ھما سال ءَ وانگ نہ بوتگ آئی ءِ داکلہ دارگ بیت ھالانکہ اے کانود پی ایم سی پاکستان ءِ کجام ھما میڈیکل کالج ءِ واستا واھگدارگ ءَ نہ اَنت ابید اے سئیں میڈیکل کالجر ءِ بلے ما ھمے سرپد بہ بہ ایں کہ پی ایم سی ءِ نیمگ ءَ اے وڑیں نوٹیفکیشن شنگ کنگ راھبند ءَ کانود ءِ ھم بگیری اِنت ءُ اشی ءِ ھمراھی ءَ اے نودربرانی وانگی زندمان ءَ ھراب کنگ اِنت-
جارکش ءَ گڈی ءَ وتی درشان ءِ تہ ءَ گوشتگ کہ پاکستان میڈیکل کمیشن ، بلوچستان گورنمنٹ ءُ مھکمہ صحت ءَ لوٹ اِیت آ اے وڑ بے راھبندی ءُ بے کانودی اشپیشل چکاس ءَ سرجمی ءَ بدار اَنت نودربرانی رجسٹریشن بہ کنائین اَنت، اشی ءِ ھمراھی ءَ بلوچستان گورنمنٹ ءُ مھکمہ صحت اے سئیں میڈیکل کالجزانی میڈیکل سرجمی ءَ بُنکی آسراتی دیگ بہ بنت اگاں ناں ما اے اسر کپتگیں نودربرانی ھمراھی ءَ اوشتاتگیں ءُ اشانی ھمراھی ءَ سرجمیں فورمزانی سر ءَ اشانی پلامرزی ءَ توار ءَ چست کن ایں-