پریمئیر لیگ فٹبال گوازی ءَ مانچسٹر سٹی،چیلسیا،لیورپول،ارسنل، مانچسٹر یونائیٹڈ ءَ گوازی کٹتگ

دوشیگیں شپ ءَ یورپئین پریمئیرلیگ فٹبال گوازی ءَ دہ ٹیمانی میان ءَ گوازی کنگ بوتگ – کہ آھانی تہ ءَ مانچسٹر سٹی ءَ وولوز ءِ دیم ءَ یک گول ءَ، چیلسیا ءَ لیڈز یونائیٹڈ دیم ءَ یک، لیورپول ءَ آسٹون ءِ دیم ءَ یک ، آرسنل ءَ ساؤتھ امتون ءِ دیم ءَ سَے ، مانچسٹر یونائیٹڈ ءَ نارویچ سٹی ءِ دیم ءَ یک گول ءَ گوازی کٹیتگ انت –

گوستگیں شپ ءَ پریمئیر لیگ اولی فٹبال گوازی مانچسٹر سٹی ءُ وولوز میان ءَ کنگ بوتگ کہ مانچسٹر سٹی ءَ یک گول ءَ گوازی کٹیتگ وھدیکہ وولوز نیمگ ءَ چہ ھچ گول اسکور کنگ نبوتگ –
مانچسٹر سٹی ءِ نیمگ ءَ مانچسٹر ءِ لیبی ایم. اسٹرلنگ ءَ گول اسکور کتگ –

چیلسیا ءُ لیڈز یونائیٹڈ میان ءَ بوتگیں گوازی ءَ ھردو ٹیمانی لیبیاں جوانیں لیب پیش داشتگ لیڈز یونائیٹڈ نیمگ ءَ دو گول اسکور کنگ بوتگ وھدیکہ چیلسیا ءِ نیمگ ءَ سَے گول اسکور کنگ –
لیڈز یونائیٹڈ نیمگ ءَ یونائیٹڈ ءِ لیبی رفینھا ءُ جے.گیلھارڈت اسکور کتگ انت چیلسیا ءِ نیمگ ءَ ایم.موؤنٹ یک گول ءِ جورگینھو دو گول اسکور کتگ گوازی وتی ٹیم ءِ نام کتگ –

لیور پول ءُ آسٹون ویلا ءِ میان ءَ بوتگیں گوازی ءَ لیور پول ءَ یک گول ءَ گوازی کٹیتگ – آسٹون ویلائے نیمگ ءَ چہ ھچ گول اسکور کنگ نبوتگ – لیور پول ءِ نیمگ ءَ چہ لیبی ایم. سالھ ءَ گول اسکور کتگ –

پریمئیر لیگ ءِ چارمی گوازی ساؤتھ امپتون ءُ ارسنل ءِ میان ءَ کنگ بوتگ کہ ارسنل ءَ سَے گول ءَ چہ گوازی کٹیتگ ساؤتھ امپتون ءِ نیمگ ءَ چہ ھچ گول اسکور کنگ نبوتگ –
ارسنل ءِ نیمگ ءَ چہ اے لیکازیت، ایم. اوڈیگارڈ، گیبرائیل گول اسکور کتگ انت –

پنچمی گوازی ءَ مانچسٹر یونائیٹڈ ءَ نارویچ سٹی ءِ دیم ءَ یک گول ءَ گوازی کٹیتگ –
مانچسٹر سٹی ءِ نیمگ ءَ چہ گول کرسٹانو رونالڈو داتگ گوازی وتی ٹیم ءِ نام ءَ کتگ –