سندھ ءِ بنجاھی شھر کراچی ءِ جناح انٹرنیشنل ایرپورٹ ءَ جرمنی ءَ چہ برات ءِ آروس ءَ اتکگیں ورناہ سنگت یے ءِ ھمراہ بیگواہ بیتگ ۔
دی بلوچستان پوسٹ ھال پتر ءَ سربیتگیں ھالانی رد ءَ 2 دسمبر ءَ جرمنی ءَ چہ 26 سالی ئیں ریحان ء عطا اللہ وتی برات ءِ آروس ءَ بھر زیرگ ءَ اتکگ بیتگ۔
پولیس واکدارانی رد ءَ ریحان ءَ بالی پَٹ ءَ زیرگ ءَ آئی ءِ سنگت ابراھیم علی وتی اولاک ءِ سر ءَ شُتگ بیتگ بلے پد ءَ دوئیں سنگت بیگواہ اَنت۔
پولیس ءَ ریحان ءِ پِت عطا اللہ ءِ گُشگ ءِ پد ءَ ناشناسیں مردمانی ھلاپ ءَ ارزی نبشتہ کُتگ ءُ پَٹ ءُ پول بندات کُتگ۔ ایس ایس پی ملیر ءِ رد ءَ سی سی ٹی وی تامر بند زیرگ بنت کہ آھانی چارگ ءَ پد پَٹ ءُ پول گیشتر دیم ءَ برگ بیت اِنت۔