پاکستان ءُ بنگلہ دیش ءِ نیام ءَ چٹاگانگ ءَ ٹیسٹ گوازی مروچی چارمی روچ ءَ برجاہ اِنت، بنگلہ دیش ءَ لئیب ءِ یک بھر ءِ اولی اننگ وتی نام ءَ کُتگ، ءُ دومی اننگز ءَ 157 رنز اڈ کُتگ ۔
اولی اننگز ءَ بنگلہ دیش ءِ اسپن بالر تائیجُل اسلام ءَ پاکستان ءِ ھپت وکٹ گپتگ، لئیب ءِ چارمی روچ ءَ بنگلہ دیش ءِ ٹیم نوں یک برے پدءَ پاکستان ءِ دیما وتی اڈ داتگیں 157 رنزانی رکینگ ءُ پاکستان ءَ آوٹ کنگ ءُ گوازی ءَ وتی نام ءَ کنگ ءِ جھد ءَ کنگ ءَ اِنت۔
لئیب ءِ چارمی روچ ءَ پاکستانی لئیبیاں ابید وکٹانی تاوان ءَ بیست اورانی آسر ءَ شست ءُ دو رنز اڈ کُتگ اَنت ءُ انگت گوازی ءِ ھلاسی ءَ دگہ یک روچے است اِنت۔