تربت ءَ پوج ءِ سر ءَ بیتگیں اُرش ءِ زمہ واری بی ایل ایف ءَ منّ اِتگ

بلوچستان لبریشن فرنٹ ءَ کیچ ءِ بنجاھی شھر تربت ءَ پاکستانی پوج ءِ سر ءَ بیتگیں اُرش ءِ زمہ واری منّ اِتگ-

بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ گُشتگ کہ تربت ءِ شھر ءَ پاکستانی پوج ءِ چوکی ءِ سر ءَ بیتگیں اُرش ءِ زمہ واری منّ اِتگ ءُ گوشتگ کہ کیچ ءِ بنجاھی شھر تربت ءَ سنیما چوک ءَ مزنیں مانش جاہ ءِ سر ءِ نزیک ءَ پاکستانی پوج ءِ چیک پوسٹ ءِ سر ءَ گوستگیں شپ ءِ ساھت ھشت ءَ وتکاریں سلاھانی گون ءَ اُرش کرتگ-

آئی ءَ گُشتگ کہ اے اُرش ءِ زد ءَ اتکگیں یک کارندھے مرتگ –

میجر گوھرام بلوچ ءَ مھلوک ءَ چہ دزبندی کرتگ ءُ گُشتگ کہ آ شھری دمگاں پوج ءِ کاروان ءَ پوجی چوکیاں چہ دور بہ بنت پرچاکہ گل ءِ ھمراہ کجام ھم وھد ءَ آیانی سر ءَ اُرش کرت کن اَنت –

آئی ءَ گُشتگ کہ زورگریں پوج ءِ سر ءَ زورگپتیں بلوچستان ءِ آجوئی ءَ داں برجاہ بنت-