بلوچستان سرکار ءَ روانک ءُ زھرشانیانی سر ءَ بندش جتگ

بلوچستان ءِ سرکار ءَ گورنر بلوچستان ظہور احمد آغا ءِ منّگ ءَ پد کریمنل لاء بلوچستان آرڈنس دوھزار بیست ءُ یک شنگ کُتگ – آرڈنس نمبر 20121 -1 سرجمیں بلوچستان ءَ بندش ءِ ھکم داتگ –

سرکار ءِ رِد ءَ آرڈننس ءِ مول لس مھلوک ءِ ھمک روچ ءِ زند روگ ءُ آیگ آزاتیں تر ءُ تاب ھر وڑیں امل دارگ انت –

آرڈیننس ءِ رِد ءَ دمک دگاں یا شاھدگانی سر ءَ روانک کشگ زھرشانی کنگ ءَ مکن کنگ بوتگ آرڈیننس بگیری داروکاں سَے تاں شش ماہ سزا دیگ بیت اِنت ءَ دہ ھزار کلدار جرمانہ کنگ بیت اِنت –

آرڈننس ءِ رِد ءَ دگانی سر ءَ روانک ءُ زھرشانی کنوک بید ارزی ءَ دزگیر ھم کنگ بنت ءُ سیشن کوٹ یا فرسٹ کلاس مجسٹریٹ ھک بیت اِنت ھر کس ءِ سر ءَ جُرم بیت آئی ءِ سزا ءُ جرمانہ جت کنت –

بلے بلوچستان ءِ راجداریں مردم اے کانود ءَ آزاتیں رائیہ درشانی ءِ سر ءَ بندش ءِ سرپد بنت ءُ بلوچستان گورنر ءِ نیمگ ءَ شنگ کنگ بوتگیں اے آرڈننس ءَ رد کن انت ءُ آئی ءَ ایر جن انت –

نیشنل پاٹی ءِ بنجاھی جارکش ءَ سرکار اے آرڈننس ایرجتگ ءُ گوشتگ کہ بلوچستان ءِ ناسرپدیں ءُ زورانسری آوارتگیں سرکار ءَ پیسر ءَ ایوان ءِ سرمستر نوں گورنر ھاؤس آرڈننس ءِ فیکٹری جوڑ کرتگ انت –

نیشنل پاٹی ءِ جارکش ءِ رِد ءَ زوراکی ءُ تُرس آماچی ءِ اندازگ ایشی ءَ چہ پدر بیت اِنت وھدیکہ بلوچستان ءِ تہ نودربر بلوچستان شاھدربر جاہ ءَ آوار جنگ بوتگ انت وتی سنگتانی یل کنائینگ ءُ گوادر ءِ مھلوک وتی ھکانی ھاتر ءَ زھرشانی کنگ انت اے جیڑھانی گیش گیواری ءَ ابید آرڈننس ءِ سھارا زورگ انت –