پریمئیر لیگ فٹبال: نارویچ سٹی ءَ دو گولاں باج برتگ

پریمئیرلیگ فٹبال گوازی ءَ مانچسٹر سٹی ءَ دو، کریسٹال پلیس ءَ دو، نارویچ سٹی ءَ دو دو گول ءَ باج برتگ، وھدیکہ چلیسا ءُ برنلی، برائیٹون ءُ نیوکاسٹل یک یک گول ءَ دیمیگ بوتگ انت –

شمبے روچ ءَ بوتگیں پریمئیر لیگ فٹبال گوازی مانچسٹر یونائیٹڈ ءُ مانچسٹر سٹی، کریسٹال پلیس ءُ ویلؤوز ، نارویچ سٹی ءُ برینٹ پورڈ، چلیسا ءُ برنلی، برینگٹون ءُ ناؤکیسٹل میان ءَ گوازی کنگ بوتگ اَنت –

مانچسٹر سٹی ءُ مانچسٹر یونائیٹڈ میان ءَ بوتگیں گوازی ءَ مانچسٹر یونائیٹڈ ءِ نیمگ ءَ ھچ گول اسکور کنگ نہ بوتگ وھدیکہ مانچسٹر سٹی ءَ دو گول ءَ اسکور کتگ باج برتگ ءُ گوازی وتی نام ءَ کُتگ –

مانچسٹر سٹی ءِ نیمگ ءَ ایرک بئلی ءُ برنارڈو سیلوا ءَ اسکور کتگ انت گوازی وتی نام ءَ کتگ –

دومی گوازی چلیسا ءُ برنیلی میان ءَ بوتگ کہ ھردو ٹیم یک یک گول ءَ دیمیگ بوتگ انت-

ھردو ٹیمانی لیبیاں جوانی ءَ گوازی کنان ء یک یک گول ءِ اسکور کنگ بوت – چلیسا ءِ نیمگ ءَ کائی ھیورٹز ءَ گول اسکور کتگ ءُ برنیلی ءِ نیمگ ءَ ھم یک گولے اسکور کنگ بوتگ کہ لیبی مٹیج ءَ اسکور کتگ –

پریمئیر لیگ ءِ سیمی گوازی کریسٹال پلیس ءُ ولووز ءُ میان ءَ بوتگ کہ کریسٹال ءَ دو گول ءَ برتگ وھدیکہ وولوز ءِ نیمگ ءَ ھچ گول اسکور کنگ نبوتگ –
کریسٹال پلیس ءِ نیمگ ءَ دؤئیں گول کریسٹال ءِ لیبی وِلپریڈ ءُ کونور ءَ داتگ انت –

چارمی گوازی برینٹ پورڈ ءُ نارویچ سٹی ءِ میان ءَ کنگ بوتگ کہ برینٹ پورڈ ءِ نیمگ ءَ چہ یک گولے اسکور کنگ وھدیکہ نارویچ سٹی ءِ لیبیاں جوانی ءَ گوازی کنان ءَ دو گول ءَ باج برتگ گوازی وتی نام ءَ کتگ –

برینٹ پورڈ ءِ نیمگ ءَ یکیں گول ریکو داتگ وھدیکہ نارویچ ءِ لیبی میتیاس ءُ تیمو ءَ دو گول اسکور کتگ –

پنچمی گوازی برائٹون ءُ نیوکاسٹل ءِ میان ءَ بوتگ کہ ھردو ٹیمانی لیبیاں جوانی ءَ گوازی کنان ءَ یک یک گول ءِ اسکور کتگ ءُ ھردو ٹیم دیمیگ بوتگ انت –