خاران: صفی اللہ ءِ کوش ءِ زمّہ واری بی ایل اے ءَ منّ اِتگ

سربوتگیں ھالانی رِد ءَ گوستگیں شپ ءَ ناشناسیں مردماں خاران ءِ دمگ لجے ءَ ریاستی ڈیت اسکواڈ ءِ کارمندانی بیٹک ءِ سر ءَ اُرش کتگ –

اُرش برشونکی ءَ پاکستانی پوج ءِ جوڈ کتگیں کشندہ ٹولی ءِ بیٹک ءِ سر ءَ کنگ بوتگ اُرش ءَ سفی اللہ نامی مردم ءِ مُرتگ دگہ دو زدگ بوتگ – اُرش ءِ زمّہ واری بلوچ آجوئی لوٹوکیں سلاہ بندیں گل بی ایل اے ءَ منّ اِتگ –

بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں گوستگیں شپ ءَ خاران ءِ دمگ لجے ءَ برشونکی میتگ ءَ زورگیریں دژمن پاکستانی پوج ءُ چیریں ادارھانی جوڈ کتگیں کُشندہ ٹولی ءِ بیٹک ءِ سر ءَ اُرش کتگ، اُرش ےَ کشندہ ٹولی ءِ کارمند صفی اللہ مرتگ ءُ دگہ دو زدگ بوتگ –

جارکش ءَ گوشتگ کہ سرمچاراں بیٹک ءِ سر ءَ ھما وھد ءَ اُرش کتگ وھدیکہ کُشندہ ٹولی ءِ کارمستر حافظ ممتاز ھمود ءَ ساڈی بوتگ وھدیکہ اُرش ءَ مرتگیں صفی اللہ حافظ ممتاز ءِ نزیکیں کارندہ ءُ گاٹ بوتگ – اے ٹولی گوستگیں روچاں خاران ءُ نوشکی ءِ لشکر کُشی ءُسرمچارانی شھیدی ءَ ھوار بوتگ انت ءُ ھمے ٹولی برشونکی، لجے ءُ اے کوھی دمگاں بلوچ سرمچارانی پدگری، پوجی لشکر کشیاں ھوار دمگی مردمانی آوار جنی دژمن ءَ گوں ھوار انت –

جارکش ءَ گوشتگ کہ اے ٹولی ءَ دژمن پوج ءِ نیمگ ءَ مھار بڈا دئیگ ءُ یل کنگ بوتگ کہ دمگے تہ ءَ دزی ءُ ڈنگی بہ کن انت، اے ٹولی خاران ءُ نوشکی دگانی سر ءَ بوتگیں دزیاں ھم ھوار بوتگ انت وھدیکہ اے دمگاں ٹیل ءِ کار ءُ بار کنوکیں گاڑیاں چہ ھم اشاں ملام گپتگ ءُ اے ٹولی دگہ بازیں چاگردی سلکاریاں ھوار انت –

جئیند بلوچ ءَ گوشتگ کہ بی ایل اے اے ٹولی ءِ سرجمی ھلاس کنگ ءُ اے ٹولی درسیں کارمنداں سزا دئیگ ءَ اشانی سر ءَ ارشاں برجاہ داریت –