جاپان ءَ شنگ بیتگیں دگنیا ءِ مستریں ھپتگی روتاک ” نکی ایشیاء” ءَ ٹاہ داتگ کہ پاکستان ءِ زورگپتگیں بلوچستان ءَ چائنا بیلٹ اینڈ روڈ بند ءُ ساچ ءِ سر ءَ جوڑ بؤکیں پاکستان چائنا کوریڈور بلوچستان ءَ برجاھیں نگیگیں جاورانی ھاتر ءَ کراچی ءِ تیاب دپ ءَ برگ بوگ ءَ اِنت –
رسانکدر ءِ رِد ءَ یک اُمیتیں شور ءُ سلاھے ءَ پاکستان ءُ چین زرباری تیاب دپی دمگ بلوچستان برجاھیں جیڑہ ءَ پد گوادر ءَ چہ پاکستان بیلٹ اینڈ دگ ءِ بند ءُ ساچ ءِ بُنجاھی ءَ چہ کراچی تیاب دپ ءِ دیمروئی ءِ سر ءَ تپاک کنگ بوتگ-
نکی ایشیاء ھال رِد ءَ اے شور کساس دو سال ءِ اوشت ءَ پد چین پاکستان اقتصادی راھداری سی پیک ءِ انوگاں برجم داشتگیں دھمی یکجاھی کمک کمیٹی ءِ دیوان ءِ وھد ءَ کنگ بوتگ کراچی کوسٹل کمپرینسی ڈویلپمنٹ زون بند ءُ ساچ ءِ ھاتر ءَ کاگدانی سر ءَ دستھت کتگ-
ھال ءِ رِد ءَ پاکستان ءِ نیمگ ءَ شنگ بوتگیں ھالانی رِد ءَ چین کراچی بندرگاہ ءِ سر ءَ 3.5 ملین ڈالر ءِ کار ءُ بار کنت ءُ آئی پدری چینی وزارت خارجہ ءِ جارکش ءَ ھم اے نوکیں کار ءُ بار کراچی ءَ بندرگاہ ءَ جتائیں نوکیں جوڑ بند ءُ ساچ ھوار ماھیگ گروکوکیں بندرگاہ ءُ روکپتی بیک واٹر ءِ سر 640 ایکٹر کار ءُ باری زون ھوار کنگ کراچی پورٹ ٹرسٹ ءِ اے منسوبہ ءَ بندرگاہ ءِ نزیکیں منوڑہ جزیراھانی ھوار کنگ ءَ یک بندرگاہ پُھل جوڑ کنگ ءِ منسوبہ ھم ھوار اِنت-
وھدے کہ پاکستان ءِ سر وزیر عمران خان سی پیک کراچی تیاب دپ ءِ دیمروئی زون ءِ ھوار کنگ گیم بدل کنگ گوشتگ-
رسانکدر ءَ اے ٹاہ داتگ کہ پاک چائنہ کوریڈور ءَ آناگاھی بدل کنگ یک بلاھیں سبب بلوچستان ءَ برجاھیں آجوئی ءِ جُھد اِنت رسانکدر ءِ رِد ءَ گوادر چائنا بند ءُ ساچ ءِ ھاتر ءَ یک نگیگیں دمگ پدر بوتگ اے دمگ ءَ برجاھیں آجوئی لوٹوکانی نیمگ ءَ چائنیز انجینئرزانی سر ءَ وتکش تراکے کنگ بوتگ-
رسانکدر ءِ رِد ءَ گوادر چائنیز شھریانی سر ءَ اُرش ھما وھد ءَ وھدے پاکستان ءِ سر وزیر گوادر سی پیک دیمروئی ھاتر ءَ چارتگ ءُ بلوچ آجوئی لوٹوکاں گوں نند ءُ نیاد ءِ گپ کتگ اشی ءَ چہ پیسر جون ءَ سعودی عرب ھم اے اُرش دیم آورتگ وتی دہ بلین ءِ تیل بند ءُ ساچ گوادر چہ کراچی بندرگاہ ءَ برتگ-
رسانکدر ءِ رِد ءَ اے شور ءَ پد گوادر درملکی کار ءُ باریاں چہ زبھر بنت سی پیک گوادر اناگاہ کراچی ءَ برگ اے گپ راستی ءَ بدل کتگ کہ پاکستان چائنا کوریڈور کجام وھد ءَ ھم نزور کنگ بیت ءُ آ بند کنگ بیت-
زانگ بہ بیت ھمے سال ءِ اگست ءِ ماہ ءَ چائنیز انجنیئرز ءُ کار کنوکانی گاڑیانی کاروان ءِ سر ءَ یک وتکش تراکے ءَ نشانگ کنگ بوتگ اَنت کہ آئی ءِ زمہ واری بلوچ لبریشن آرمی ءَ منّ اِتگ-
سی پیک ءَ بلوچستان سیاسی ءُ سلاہ بندانی نیمگ ءَ چہ بلوچ کُش منسوبہ ءَ گوشگ بوتگ اشی ءِ بگیری ءَ سیاسی گلانی نیمگ ءَ چہ تھی ءُ درملکاں جتائیں پارٹیانی نیمگ ءَ چہ زھرشانی کنگ ءَ ھوار بلوچ آجوئی لوٹوکیں سلاہ بندیں گلانی نیمگ ءَ چہ سی پیک ءُ دگہ منسوبھانی سر ءَ نشانگ کنگ بوتگ اَنت-
سی پیک ، سیندک ءَ دگہ منسوبہ بلوچستان ءَ چائنیز انجینئر ءُ دگہ کارندھانی سر ءَ 2018 ءَ وتکش تراکانی تہ ءَ گیشی اَتکگ-
2018 ءَ اگست ماہ بلوچستان ءِ ضلع دالبندین ءَ چائنیز انجینئرانی بس ، ھمے یکیں سال ءِ نومبر ماہ ءَ کراچی ءَ چائنیز سپارت ھانہ ءَ ، 2019 ءَ 11 مئی گوادر ءَ پنچ ستارہ ھوٹل بلوچ وتکش تراکانی نیمگ ءَ نشانگ کنگ بوتگ اَنت وھدے کہ گوستگیں سال ءَ کراچی ءَ پاکستان اسٹاک ایکسچینج سر ءَ وتکش تراک کنوکاں نشانگ کتگ اَت-
اے بوتگیں سرجمیں اُرش بلوچ لبریشن آرمی ءَ منّ اِتگ اَنت جارکش جیئند بلوچ ءَ درشانانی تہ ءَ پدر کتگ گْوشتگ کہ بی ایل اے مجید بریگیڈ باسکاں ابید بی ایل اے ھوار دگہ بلوچستان ءَ بلوچ آجوئی لوٹوکیں سلاہ بندیں گلانی نیمگ ءَ درملکی کار ءُ بارانی سر ءَ جتائیں وھد ءَ بلوچستان ءَ کار ءُ بار کنگ ءِ سر ءَ اُرشانی نشانگ کتگ ءُ بیھار دیگ ھم بوتگ اَنت-