شائر: سربلند ءِ نام ءَ
شائر: برانز بلوچ
دی بلوچستان پوسٹ
نَد نَزکار اِنت کسیہ ئے
ہمے کشک ءِ روانی اِنت
کجا بارت
داں کد بارت
پاد روان ءَ پندے
سیاجی ءُ کلبر ءِ زید ءَ
سماپٌولی ءِ بولان ءَ
باج بَرَ ایں پکر اَنت … !
نَد نز کار اَنت کسیہ ئے
تْروال ایں پند ءِ
تیراں سمبیتگ ءِ جونے
ابیتک ایں مولمانی
دنز کپتگیں وابانی
گرنچ بستگیں بوجیگ ءِ
زمستان ءِ شپانی
بے کرار ایں دیدگانی …
زمین جُمب ایں
واھگانی
اوست گرند ایں
نگاہانی
زمین ءُ آک ءِ مہرانی
سر گنوک ءِ بچانی
مِک ایں سنگرانی
ہمے کشک ءِ روانی اِنت
روان ءِ
روان کنت
نَد نَزکار اَنت کسیہ ئے