مارگٹ ءِ اُرش ءَ پوج ءِ چارکارندہ کشُتگ ءُ ٹپی کتگ اَنت- بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شِنگ کُتگیں درشان ءِ تہ ءَ گْوشتگ کہ بی ایل اے سرمچاراں گوستگیں شپ ءَ بولان ءُ مچ ءِ میانی دمگ جعفری ءِ ھند ءَ زورگریں پاکستانی پوج ءِ چیک پوسٹ ءِ سر ءَ اُرش کتگ-

جارکش ءَ گْوشتگ کہ بی ایل اے اسنائپر نشانگ کنوک ءَ پوسٹ ءِ سر ءَ ساڑی ئیں کارندہ نشانگ کتگ ءُ ھما دمان ءَ مرتگ اَنت- اشی ءَ پد سرمچاراں دگہ سلاھاں گوں دُژمن ءِ کارندھانی سر ءَ اُرش کتگ ءُ چریشی ءِ آسر ءَ دگہ یک کارندھے مرتگ ءُ دو ٹپی بوتگ اَنت-

مرتگیں کارندہ ءِ بچّار عرفان نام ءَ چہ بوتگ-

جارکش ءَ دیمتر ءَ گْوشتگ اُرش ءَ پد سرمچاراں وتی مُھریں اوتاکاں سر بوتگ اَنت وھدے کہ دُژمن پوج ءِ یک بالگردے ھمے دمگ ءَ سر بوتگ ءُ لاش برتگ اَنت ئِے-

جیئند بلوچ ءَ گْوشتگ بی ایل اے اُرش داں وتی مول ءِ مراد ءَ دُژمن ءِ سر ءَ گوں تُرندی ءَ برجاہ بنت –