ھانی بلوچ ءِ بیرانی دراھیں نودربرانی واستا یک پدردی یے – بی ایس او

بلوچ اسٹوڈنٹس آرکنائزیشن ءِ بنجاھی جارکش ءَ وتی شنگ کرتگیں درشان ءِ تہ ءَ گشتگ کہ آئی ءِ گل ءِ ھمراہ بانک ھانی بلوچ کہ سردار بھادر ھان وومن یونیورسٹی ءَ انگلش لٹریچر ءِ نودربرے بیتگ آ بیست ءُ چار ستمبر ءِ بیگاہ ءَ بیران بیتگ، بی ایس او ءَ ھوار دراھیں نودربرانی واستا یک بژنی گپے –

جارکش ءَ گشتگ کہ بانک ھانی بلوچ ءَ نودربر سیاست ءِ تہ ءَ مزنیں کرد ودی کتگ – گیشتر پاکستان میڈیکپ کمیشن ءِ ھلاپ ءَ نودربرانی برجاھیں زرمبشت ءِ مھکم کنگ ءَ آئی ءِ مزنیں کردے بیتگ – بیست ءُ سَے ستمبر ءَ مزنیں روانک ءَ دیم ءَ بیتگ ءُ ھمراھانی ھاٹیگ ءَ برز کنگ ءَ بیتگ-

بنجاھی جارکش ءَ گشتگ کہ بانک ھانی بلوچ ءِ جان پیسر ءَ وش وش نہ بیتگ، بلے اشاں ابید آئی ءَ جد ءُ جھد ءِ سکین داتگ ءُ وتی جان ءِ پرواہ نہ بیتگ ءُ ابید ءِ روانک ءَ پرکار بیتگ – بیگاہ ءِ وھد ءَ وھدیکہ آئی ءِ جاور سک ناوش بیتگ اَنت آ زور دیگ بیتگ ءُ لوگ ءَ روان دیگ بیتگ چریشی ءَ پد شپ ءَ پولیس ءِ لَٹ ءُ کُٹ دزگیری نیتگ اَنت ءُ چریشی ءَ آئی ءِ پرکاریں ھمراھانی دزگیر بیگ ءَ ھانی بلوچ ءِ گون ءَ رھوت دوبر نہ بیتگ ءُ وھدیکہ گوستگیں روچ ءَ دوبر ھمراہ اتکگ اَنت گڑا آیاں یکے دومی ءَ گپ کتگ ءُ اے دردناکیں گپ شنگ کتگ ءُ گوشتگ کہ ھانی بلوچ ءِ جاور نگیگ بیتگ اَنت چریشی ءَ چہ آ بیران بیتگ –

آیاں گشتگ کہ بانک ھانی بلوچ ءِ ناگھانی مرگ ءَ نودربر دردیگ اَنت بلے آئی ءِ کاروان داں گڈی منزل ءَ برگ بیت اِنت – آ نودربر زرمبشت ءِ نہ ترسیں رھشونے بیتگ – ما آئی ءِ راجی ھدمت ءَ سھریں دروت ندر کن ایں –

آئی ءَ گشتگ کہ شھید بانک ھانی بلوچ ءِ یات ءَ مروچی بیگاہ ءَ بیست ءُ شش ستمبر ءَ ساھت ھپت ءَ شال ءِ پریس کلب ءِ دیم ءَ ڈیواہ روک کنگ بیت اِنت-