شَیر: ندر پہ بانکیں گوھار مھلب ءُ سّمی ءِ نام ءَ
شائر: سلیم ناز
دی بلوچستان پوسٹ
راج ءِ مئے گوانک ءُ توار سّمی انت
جھد ءَ دائم گون هوار سّمی انت
ساڑی ئیں جنگ ءَ مدام جورین بداں
مھلب ءِ پگران هوار سّمی انت
شُت پہ آریپ ءِ شوهاز زندان ءَ
سانکلاں بند ءُ تیار سّمی انت
آپرین مھلب ءُ بات مھرنگ ءَ
ماما ءِ کیمپ ءَ شمار سّمی انت
شال ءَ سرگر داں برو باتیل ءَ
دژمناں تبد ءُ لوار سّمی انت
امبوئیں دروت ءُ سلام آشوب ءَ
راج ءِ مئے مات ءُ گوھار سّمی انت
کوپگاں زور تو سلیم درونتاں
لج ءِ پاساں ءُ میار سّمی انت