مند ءَ پاکستان پوج ءِ چوکی ءِ سر ءَ بوتگیں اُرش ءِ زمہ واری بی ایل ایف ءَ منّ اِتگ

سر بیتگیں ھالانی رد ءَ گوستگیں روچ ءَ سلاہ بندیں مردماں بلوچستان ءِ دمگ کیچ مند ءَ پاکستانی پوج ءِ چوکی ءِ سر ءَ اُرش کتگ ءُ پوج ءَ جانی تاوانانی دیمپانی بیتگ –

دومی نیمگ ءَ بلوچستان لبریشن فرنٹ ءِ جارکش میجر گْوھرام بلوچ ءَ رسانکدراں شِنگ کتگیں وتی یک درشانے ءِ تہ ءَ اُرش ءِ زمہ واری منّ اِتگ ءُ گْوشتگ کہ شمبے ءِ روچ ءَ بیگاہ ءِ وھد ءَ سرمچاراں مند اپسی کھن ءُ باغ زوا ءِ میانی ھمزھی کوہ ءِ سر ءَ ھستیں چوکی ءِ سر ءَ اسنائپر اُرش کتگ ءُ یک کارندھے کُشتگ – اشی ءَ پد چوکی ءِ سر ءَ گوں وتکاریں سلاھاں نشانگ کتگ- سیمسر ءَ نزیک اے دمگاں بازیں پوجی چوکی جوڑ کنگ بوتگ اَنت کہ ٹٹ جنوکیں کمپنیانی پھازداری کنگ ءَ اَنت-

جارکش میجر گْوھرام بلوچ ءَ دیمتر ءَ گْوشتگ کہ مئے اے وڑیں اُرش داں بلوچستان ءِ وتواجھی ءَ برجاہ بنت –