گل ءِ کماندار ستار ڈومکی شھید بیتگ – بی آر جی

بلوچ ریپبلکن گارڈز ءِ جارکش دوستین بلوچ ءَ وتی شنگ کرتگیں درشان ءِ تہ ءَ گُشتگ کہ گل ءِ زانتکار دشمن ءِ زنداناں درایگ ءَ پد آئی ءَ ٹپ نہ سگ اِتگ ءُ شھید بیتگ –

جارکش ءَ گُشتگ کہ شھید کماندار ستار ڈومکی سال دوھزار ءُ سیزدہ ءَ راجی جھد ءِ آجوئی ءَ بی آر جی ءِ پتر ءَ دل ستکی ءَ یک مھکمیں رنگے ءَ وتی کرد ءَ پیلو کنگ ءَ بیتگ، شھید ستار سال دوھزار ءُ چاردہ ءَ پاکستانی پوج ءَ سبی ءَ دزگیر کرتگ ءُ سال دوھزار ءُ نوزدہ ءَ نیم زندیں جاوراں یل کرتگ، بندیگی ءَ پنچ سال ءِ وھد ءَ داں ترندیں لَٹ ءُ کُٹانی سگگ ءَ بیتگ ءُ وتی گل ءِ چیریں ھال ءُ وتی ھمراھانی نام نہ گُشتگ اَنت –

جارکش ءَ گُشتگ کہ یل کنگ ءَ پد شھید ستار ڈومکی ءَ نادراھی ءِ وھد ءَ بازیں کار کرتگ اَنت ءُ بازیں وھداں درمانی ءَ پد ٹپانی نہ سگگ ءَ مروچی بلوچستان ءِ دمگ شال ءَ یک نادراہ جاھے ءَ شھید بیتگ –

جارکش ءَ گُشتگ کہ شھید کماندار ستار ڈومکی ءِ گرانبھائیں ھدمت ھروھد ءَ یار کنگ بنت ئِے –