گوادر ءَ آپ ءِ نہ بوگ ءَ زھرشانی، زالبولاں دگ بند کرتگ

سر بیتگیں ھالانی رد ءَ بلوچستان ءِ تیابدپی شھر گوادر ءَ آپ نہ بوگ ءِ سر ءَ مھلوک ءَ زھرشانی، زالبولاں دگ بند کرتگ –

زھرشانی گوادر ءِ شھر ءِ تہ ءَ بلال مسیت ءِ دیم ءَ بندات بیتگ اود ءَ مھلوک ءَ دگ بند کرتگ ءُ دگ ءِ سر ءَ ٹائر مانداشتگ –

مھلوک ءِ گوشگ اِنت کہ مئے گور ءَ ترمپ ءِ آپ پہ ورگ ءَ نیست اِنت ءُ واکدارانی گوشاں مورے ھم نہ وارت اِنت –

زانگ بہ بیت گوادر ءَ ھوار گوادر ءِ کَش ءُ گور جیونی، پسنی ءُ اورماڑہ ءَ ھم بازیں وھداں آپ ءُ دگہ زند ءِ جنجالانی سر ءَ زھرشانی کنگ ءَ اَنت –

گوادر ءِ بارو ءَ سرکاری ٹاہ برز اَنت ءُ گوادر ءِ بارو ءَ گوشگ بیت اِنت گوادر ءَ بلوچستان ءِ دیمروئی ءِ کار بیگ ءَ اَنت –

گوادر ءِ مھلوک ءِ لوٹ اِنت کہ مارا مئے زند ءِ آسراتی دیگ بہ بنت ءُ سرکاری واکدار اے درگت ءَ ھچ وڑیں گامگیج ءِ زورگ ءَ گندگ بیگ ءَ نہ اَنت –