مند ءَ پوجی پانگس ءِ سر ءَ اُرش، اُرش ءِ زمّہ واری بی ایل ایف ءَ منّ اِتگ

رودان سر ءِ پانگس ءِ سر ءَ راکٹ ءُ دگہ مزنیں سلاھانی گون ءَ اُرش کتگ جانی ءُ مالی تاوان داتگ – میجر گوھرام

سربوتگیں ھالانی رِد ءَ گوستگیں روچ ءَ بیگاہ ءِ ادار ھشت ءَ ناشناسیں سلاہ بندیں مردماں مند ءِ دمگ گوک ءَ پوجی پانگس ءِ سر ءَ اُرش کتگ – اُرش گوک ءَ رودان سر ءِ برجاھیں پانگس ءِ سر ءَ کنگ بوتگ، چریشی ءَ پاکستانی پوج ءَ جانی ءُ مالی تاوان رس اتگ سلاہ بندیں مردم درآیگ ءُ رؤگ ءَ سوبمند بوتگ انت –

دومی نیمگ ءَ بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ ءُ گوشتگ کہ مئے سرمچاراں گوستگیں بیگاہ ءِ ادار ءَ ھشت ءَ کیچ ءِ دمگ مند ءَ رودان سر ءَ برجاھیں پاکستانی پوج ءِ پانگس ءِ سر ءَ راکٹ ءُ دگہ مزنیں سلاھانی گون ءَ اُرش کتگ- اے اُرش ءَ زورگیریں پوج ءَ جانی ءُ مالی تاوان رس اتگ –

میجر گوھرام بلوچ ءَ وتی درشان ءِ گڈسر ءَ گوشتگ کہ زورگیریں پوج ءِ سر ءَ مئے اُرش بلوچستان ءِ آجوئی تاں برجاہ مان انت –