گوادر: آپ ءِ نہ بوگ ءَ مھلوک ءِ زھرشانی، دگ بند

بلوچستان ءِ تیابدپی شھر گوادر ءَ آپ ءِ نہ بوگ ءِ سر ءَ مھلوک ءَ دگ بند کرتگ ءُ آپ ءِ لوٹ ءَ کنگ ءَ اَنت –

گیشیں ھالانی رد ءَ گوادر بلوچ وارڈ ءِ مھلوک ءَ بے آپی ءِ سر ءَ پدی زر ءَ سید زھورشاہ ھاشمی ءِ چار راہ ءَ جناح یونیو بند کرتگ ءُ ھر دوکیں نیمگاں روگ ءُ آیگی مھتل کرتگ اَنت –

دگ ءَ زھرشانی ءَ زالبول ءُ مردین ھوار اَنت ءُ آیاں دگ بند کرتگ ءُ آپ ءِ لوٹ ءَ کنگ ءَ اَنت –

آیانی گوشگ اِنت کہ بازیں روچ اَنت مئے گور ءَ آپ نیست ءُ ما ترمپے آپ ءَ مئے نُک کلنڈ اَنت –

زانگ بہ بیت گوادر ءَ ھواریں بازیں جاھاں اے وھد ءَ آپ نیست ءُ مھلوک آپ ءِ لوٹ ءَ دگاں بند کنگ ءَ اَنت –

گوادر ءِ مھلوک ءِ گوشگ اِنت کہ سرکار تھنا ھما مردماں آپ دنت کہ آ دراں آرگ بیتگ اَنت بلے ادے جھمنندیں مردم ترمپ ءِ آپ ءَ ھُشک اَنت –