سر بیتگیں ھالانی رد ءَ یک سال ءُ شش ماہ ءَ پیسر ایرانی آمیدگس ءِ پرمان ءَ گرگ بیتگیں روکپتی بلوچستان ءَ بندوکیں نیکراھی رھشون مولانا فضل الرھمان کوھی چہ مشھد ءَ زندان ءَ یل کنگ بیتگ –
مولانا فضل الرھمان کوھی روکپتی بلوچستان ءَ نیکراھہ رھشونانی تہ ءَ سروکیں رھشونے ءِ نام ءَ زانگ بیت اِنت –
آ گوستگیں یک سال ءُ شش ماہ ءَ پیسر ایرانی آمیدگس ءَ ھمے بھتام ءَ دزگیر کرتگ کہ مولانا فضل الرھمان کوھی ءَ ایران ءِ سرکار ءِ ھلاپ ءَ گپ جتگ –
آئی ءِ بھتام ءَ ایرانی آمیدگس ءَ یک سال ءُ شش ماہ ءِ زندانی جتگ ءُ چرے زندانیانی وھد ءَ روکپتی بلوچستان ءَ مھلوک ءَ زھر ءِ درشان ھم کرتگ اَنت –
ھالکار ءِ رد ءَ مولانا کوھی مروچی دُزاپ ءَ سر بیت ءُ آدینگ ءِ نماز ءَ پشامگ ءَ کیت اِنت ءُ آئی ءِ واستا مروچی دزاپ ءَ ھوار روکپتی بلوچستان ءِ بازیں جاھاں گل ءُ شادھی درشان کنگ ءَ اَنت –