بلوچستان: وتکشی ءِ وئیل ءَ ھوار دو مردم بیران

سربوتگیں ھالانی رِد ءَ ھب کور ءَ جانشودگ ءِ میان ءَ ورنایے آپ ءَ بک اتگ بیران بوتگ ءُ کلات ءَ ورنایے ءَ وتکشی کتگ –

گیشیں ھالانی رِد ءَ بلوچستان ءِ دمگ ھب ءَ منگوپیر ءِ نزیک ءَ ھب کور ءَ جان شودگ ءِ میان ءَ شانزدہ سالی ئیں ورنایے بُک اتگ ءُ بیران بوتگ-

بیران بوتگیں ورنا ءِ پجار پرویز ء دولت خان ءِ جھمنند کراچی ءِ نام ءَ چہ بوتگ – دمگی پھازدار جون چہ آپ ءَ کش اتگ ءُ نادراھجاہ ءَ سرکتگ –

دومی نیمگ ءَ کلات ءَ ورنایے ءَ وتکشی کُتگ –

پولیس ءِ رِد ءَ گوستگیں روچ ءَ محمد رحیم ء خدابکش ءَ وتی گٹ ءَ ساد ءِ لوپ کُتگ وتکشی کتگ – وتکشی کنگ ءِ سوب زانگ نہ بوتگ – پولیس ءَ لاش نادراھجاہ ءَ برتگ اژدری چار ءُ ٹپاس ءَ پد کھول ءِ ھوالگ ءَ کنگ بیتگ –