روکپتی بلوچستان ءَ یک زاندانی بلوچے ایرانی آمید گس ءِ پرمان ءَ پاھو دیگ بیتگ

سر بیتگیں ھالانی رد ءَ روکپتی بلوچستان ءِ سبزوار ءَ ایرانی آمیدگس ءِ پرمان ءَ یک زندانی ءِ بلوچے پاھو دیگ بیتگ –

پاھو دیگ بیتگیں مردم ءِ پجار حبیب اللہ شیخ حسینی ء فقیر ءِ نام ءَ زانگ بیتگ زھگ دار ءِ نندوک اِنت کہ سبزوار ءِ زندان ءَ پاھو دیگ بیتگ –

ھالانی تہ ءَ گوشگ بیتگ کہ حبیب اللہ دو سال پیسر نایین ءِ شھر ءَ نشہ ءِ باپاری ءِ بھتام ءَ ایرانی لشکر ءَ دزگیر کرتگ-

زانگ بہ بیت ھمے ماہ ءِ ھپت اپریل ءَ یاسر دریایی نامیں ورنایے ھم ایرانی آمیدگس ءِ پرمان ءَ پاھو دیگ بیتگ –

روکپتی بلوچستان ءَ انسانی ھکانی واستا کار کنوکیں گل بلوچ کمپئن فعالین ءِ گوشگ اِنت کہ گوستگیں سال ءِ گڈسر ءَ داں انیگ ءَ بیست بلوچ کہ ایرانی زنداناں جتا جتائیں بھتامانی ناماں پاھو دیگ بیتگ اَنت –

آئی ءِ گوشگ اِنت کہ روکپتی بلوچستان ءَ اے وھداں بازیں کچے ءَ مردمانی پاھو نامہ گندگ ءَ آیگ ءَ اَنت –

چاگردی رسانکجاھاں روکپتی بلوچستان ءَ ایرانی آمیدگس ءِ پرمان ءَ پاھو دیگ بیتگیں مردمانی بارہ ءَ کمپئن ءُ آئی ءِ بگیری ءَ توار چِست کنگ ءُ ایرانی آمیدگس ءِ سر ءَ ایراد گرگ ءَ گندگ آیگ ءَ اَنت –