روکپتی بلوچستان ءَ 149 کس کرونا نادراھی ءِ آماچ، سَے کس بیران

سر بیتگیں ھالانی رد ءَ روکپتی بلوچستان ءَ جھانی نادراھی کرونا وائرس ءَ یک سد ءُ نُھ کس کرونا نادراھی ءِ آماچ بیتگ اَنت ءُ سَے کس نادراھی ءِ سوب ءَ بیران بیتگ اَنت –

ھمے وڑ ءَ کسرکند ءَ نادراھی ءِ گر ءُ دار کنوک عزیز اللہ بلیدھی ءَ گوشتگ کہ بیست ءُ چار ادارھانی تہ ءَ دوازدہ کس کرونا ءِ نادراھی ءِ آماچ بیتگ اَنت –

عزیز اللہ بلیدھی ءَ گوشت کہ اے وھد ءَ کسرکند ءَ کرونا نادراھی گیش کپتگ ءُ اود ءَ نادراھی روچ پہ روچ گیش بیان اِنت –

عزیز اللہ بلیدھی ءَ گوشتگ کہ ایرانی نوکیں سال ءِ بندات ءِ دوئیں ماھانی تہ ءَ داں انیگ ءَ یک سد ءُ پانزدہ نادراھانی نادراھی پدر بیتگ اَنت –

عزیز اللہ بلیدھی ءَ گوشت کہ روکپتی بلوچستان ءَ نادراھی گیش کپان اِنت باید مردم وتی جان ءِ پھریز ءَ بہ کن اَنت –

روکپتی بلوچستان ءَ داں انیگ ءَ بیست ھزار ءَ گیش مردم جھانی نادراھی ءِ آماچ اَنت ءُ چار سد ءُ شست ءُ دو کس بیران بیتگ اَنت –