جامعہ بلوچستان ءَ نودربرانی یونین ءِ سر ءَ بندش ءَ نہ منّاں – بی ایس او

جوائنٹ ایکشن کمیٹی جامعہ بلوچستان ءِ لوٹاں سرجم بہ کن اَنت، جامعہ ءَ نودربرانی یونین ءِ سر ءَ بندش ءَ نہ منّاں – جارکش

بلوچ اسٹوڈنٹس آرگنائزیشن ءِ بنجاھی جارکش ءَ وتی یک شنگ کرتگیں درشانی ءَ گُشتگ کہ جوائنٹ ایکشن کمیٹی جامعہ بلوچستان ءِ لوٹانی پلامرزی کرتگ ءُ گْوشتگ کہ جامعہ بلوچستان مالی تنگدستی ءِ آماچگاہ جوڑ کرتگ استاد ءُ ملازمینانی الاؤنسز ءِ نیمسلونگ کنگ بژنیگی یے استاد آفیسران ءُ ملازمیناں ھاؤس ریکوزیشن ءُ دگہ الاؤنسز ءَ ابید پگار دیگ ءَ اَنت –

جارکش ءَ گوشت کہ نوزدہ سد ءُ نود ءُ ھشت ءِ بنگیج ءِ رد ءَ ناجائزیں وڑ ءُ پیمانی جھد کنگ بیگ ءَ اِنت ردیں پالیسانی کرپشن ءُ ٹگی ءُ ھنرانی سوب ءَ جامعہ بلوچستان مالی تنگدستیانی آماچ بیتگ –

جارکش ءَ وتی بیان ءِ تہ ءَ گوشت کہ بلوچستان ءَ وانگی ادارہ گیشتر مزن شھدربرجاہ نزیکیں مردماں مزنجں اگدواں نادینگ ءَ اَنت دراھیں شھدربرجاھاں نودربر سیاسی پرکاریاں سرجم ءَ بندش جنگ بیتگ اَنت بی ایس او ءَ ھروھد ءَ کیمپس پالٹکس ءِ سر ءَ بندشی ءِ ھلاپ ءَ جد ءُ جھد کرتگ ءُ آؤکیں وھداں ھم دومی دیمروئی واھگداریں گلاں گوں ھوار بیت اِنت ءُ نودربرانی یونیز ءِ بندش ءِ ھلاپ ءَ جد ءُ جھد کنت –

جارکش ءَ گوشت کہ بی ایس او جامعہ بلوچستان ءَ استاد آفسر ءُ ملازمینانی جائزیں لوٹانی پلامرزی ءَ کنت کہ آ کیمپس پالٹکس ءِ سر ءَ بندشی ءُ سیاسی پُرکاریانی بندش ءِ ھلاپ ءَ جد ءُ جھد ءَ ھمراھداری کنت –