مستونگ: دگ ءِ وئیل ءَ بلوچی زبان ءِ شائر بیران، دو زدگ

سر بیتگیں ھالانی رد ءَ بلوچستان ءِ دمگ مستونگ ءَ دگ ءِ وئیل ءَ بلوچی زبان ءِ شائر گل جان ء عبدالباقی بیران بیتگ ءُ دو کس زدگ بیتگ اَنت –

وئیل مستونگ ءَ میجر چوک ءَ دیم ءَ اتکگ کہ اود ءَ پرپٹانی ڈیگ ورگ ءَ بلوچی زبان ءِ شائر گل جان ء عبدالباقی ءَ ھوار سَے زدگ بیتگ اَنت، زدگ بیتگیں مردم نادراہ جاہ ءَ سرکنگ بیتگ اَنت ءُ اود ءَ گل جان ءَ درد نہ سگ اِتگ ءُ ساہ داتگ اَنت –

بلوچستان ءَ ھمک روچ بیتگیں دگ وئیلاں مھلوک پہ سپر کنگ ءَ ترس ءُ بیمی اَنت ھمک روچ پیش اتکگیں وئیلاں بازیں ھسابے ءَ مردمانی بیرانی ءُ زدگ بیگانی ھال یکشل ءَ چاگردی رسانکجاھاں شنگ اَنت –

گوستگیں روچاں نوشکی ءُ پنجگور ءَ دگ ءِ وئیلانی ھلاپ ءَ آل پارٹیز ءَ زھرشانی کرتگ ءُ گوشتگ کہ سرکار ھما کچ ءَ بے وس بیتگ کہ بلوچستان ءَ سپر کنگ یک مرگے ءِ ساہ ءِ گرگ جوڑ بیتگ –

آیاں گوشتگ اَت کہ سرکار اگاں دگانی سر ءَ بیوکیں وئیلانی بارہ ءَ گامیج نہ زور ایت گڑا اے زھرشانی درچ دیم ءَ گیش کنگ بیت اِنت –