سامی ءَ پاکستانی پوج ءِ سر ءَ اُرش، اُرش ءِ زمہ واری بی ایل ایف ءَ منّ اِتگ

سر بیتگیں ھالانی رد ءَ گوستگیں روچ ءَ کیچ ءِ سامی ءَ ناشناسیں سلاہ بندیں مردماں پاکستانی پوج ءِ بنجل ءِ سر ءَ اُرش کرتگ-

دمگی مردمانی رد ءَ اُرش ءَ دمگ ءَ بازیں وھداں تراک ءُ تیرانی توار بیتگ- دومی نیمگ ءَ بلوچ سلاہ بندیں گل بلوچستان لبریشن فرنٹ ءَ بیتگیں اُرش ءِ زمہ واری منّ اِتگ –

بلوچستان لبریشن فرنٹ ءِ جارکش میجر گْوھرام بلوچ ءَ گوشتگ کہ گوستگیں روچ ءَ سھب ءِ ساھت شَش ءَ پوجی بنجل مارٹرگولھاں گوں مانبستگ – اے یک نوکیں بنجلے کہ چین پاکستاب اکنامک کوریڈور(سی پیک) ءِ سر ءَ چہ دو ماھاں برجم کنگ بیتگ –

میجر گوھرام بلوچ ءَ گوشت: سرمچاراں پوجی بنجل ءَ ھشت مارٹر آس داتگ کہ اے مارٹر بنجل ءِ تہ ءَ کپتگ اَنت ءُ چریشی ءَ زورگریں پوج ءَ جانی ءُ مالی تاوانانی دیمپانی کنگ کپتگ –

جارکش ءَ گوشت کہ اے اُرش بلوچستان ءِ آجوئی ءَ برجاہ مان اَنت –