خاران ءَ پاکستانی پوج ءِ سر ءَ اُرش،اُرش ءِ زمّہ واری یو بی اے ءَ منّ اِتگ

ھندو میتگ ءَ پوجی پانگس ءِ سر ءَ دزبمب اُرشے کتگ ءُجانی ءُ مالی تاوان داتگ – مزار بلوچ

سربوتگیں ھالانی رِد ءَ گوستگیں شپ ءَ ناشناسیں سلاہ بندیں مردماں خاران ءِ دمگ ہندو میتگ ءَ پاکستانی پوج ءِ برجاھیں پانگس ءِ سر ءَ اُرش ءِ کُتگ، اُرش ءَ پاکستانی پوج تاوان بار بوتگ –

دومی نیمگ ءَ بلوچ آجوئی لوٹوکیں سلاہ بندیں گل یونائیٹڈ بلوچ آرمی ءِ جارکش مزار بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ ءُ گوشتگ کہ مئے سرمچاراں گوستگیں شپ ءِ ادار ھشت ءَ خاران ءِ دمگ ھندو میتگ ءَ برجاھیں پاکستانی پوج ءِ پانگس ءِ سر ءَ دز بمب اُرشے کتگ، اے اُرش ھما وھد ءَ کنگ بوتگ کہ زورگریں پوج ءِ بازیں کارمندے چوکی ءِ توک ءُ ڈن ءَ یکجاگہ بوتگ اَنت-

آئی ءَ گوشتگ کہ اُرش ءِ آسر ءَ پاکستانی پوج ءَ جانی ءُ مالی تاوان داتگ-

گڈسر ءَ جارکش ءَ وتی درشان ءِ تہ ءَ گوشتگ کہ زورگریں پوج ءِ سر ءَ مئے اُرش بلوچستان ءِ آجوئی تاں برجاہ مان انت -؛