مچ ءَ پاکستانی پوج ءِ سر ءَ اُرش، اُرش ءِ زمہ واری بی ایل اے ءَ منّ اِتگ

جعفری ءَ پاکستانی پوج ءِ پانگس ءِ سر ءَ اُرش کُتگ ،اُرش ءَ یک کارمندے مرتگ بازینے زدگ بوتگ اَنت – جئیند بلوچ

سربوتگیں ھالانی رِد ءَ بلوچستان ءِ دمگ مچ ءَ ناشناسیں سلاہ بندیں مردماں پاکستانی پوج ءِ پانگس ءِ سر ءَ اُرش کُتگ ، اُرش ءَ پاکستانی پوج ءَ جانی ءُ مالی تاوان رس اتگ –

دومی نیمگ ءَ بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں مچھ ءُ مارگٹ ءِ میانی دمگ جعفری ءَ زورگریں پاکستانی پوج ءِ پانگس ءِ سر ءَ اُرش کُتگ –

جارکش ءَ گوشتگ اُرش ءِ آسر ءَ دژمنیں پوج ءِ یک کارمندے ھما دمان ءَ مُرتگ ءُ بازینے زدگ بوتگ ءُ پانگس ءَ تاوان رس اتگ –