جاؤ ءَ ریاستی ڈیتھ اسکواڈ ءِ کارمندے سر ءَ بیتگیں اُرش ءِ زمہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گْوھرام بلوچ ءَ رسانکدراں وتی شنگ کرتگیں درشان ءِ تہ ءَ اے تراک زمّہ واری منّ اِتگ ءُ گوشتگ کہ مئے سرمچاراں جاؤ ءِ دمگ پیلار ءَ ریاستی ڈیتھ اسکواڈ ءِ کارمندے چیرکُتگیں تراکناکیں شورھانی نشانگ کتگ –

جارکش ءَ دیمتر ءَ گوشتگ کہ ریاستی ڈیت اسکواڈ ءِ کارمند حسن ء عبدالخالق اے اُرش ءَ سک باز زدگ بوتگ آئی ءِ پرپٹ چیر کُتگیں شورھانی تراک ءِ زد ءَ اَتکگ – آئی ءَ گوشتگ کہ دژمنیں پوج ءِ ھمرائی ءَ ریاستی چاریگ ھم مئے سرمچارانی نشانگ ءِ تہ ءَ اَنت-

جارکش میجر گْوھرام بلوچ ءَ گوَشتگ کہ دژمنیں پوج ءِ چاریگ ءِ سر ءَ اُرش ءِ پُشدر ءَ زورگیریں پاکستانی پوج ءَ جھاؤ ءِ دمگ گز آپ تریجی ءَ نوکیں بنجل جوڑ کنگ ءِ ھواری ءَ جتاجتائیں دمگاں لشکرکشی ھم بندات کتگ اَنت-