خاران ءُ پنجگور ءَ پاکستانی پوج ءِ سرا اُرش، اُرشانی زمّہ واری بی آر اے ءَ منّ اِتگ

خاران ءُ پنجگور ءَ پاکستانی پوج ءِ سرا اُرش کُتگ چار پوجی کارمند کُشتگ – بیبگر بلوچ

دی بلوچستان پوسٹ

سربوتگیں ھالانی رِد ءَ گوستگیں روچ ءَ ناشناسیں سلاہ بندیں مردماں پاکستانی پوج ءِ کاروان ءِ سرا اُرش کُتگ – اُرش ءَ پاکستانی پوج ءَ جانی ءُ مالی تاوان بوتگ –

ھمے وڑ گوستگیں روچ ءَ پنجگور ءِ دمگ سوراپ ءَ ھم ناشناسیں سلاہ بندیں مردماں پاکستانی پوج ءِ سرا دور جنگیں توپکے سرا اُرش کُتگ ءُ جانی تاوان داتگ –

دومی نیمگ ءَ بلوچ آجوئی لوٹوکیں سلاہ بندیں گل بلوچ ریپبلکن آرمی ءِ جارکش بیبگر بلوچ ءَ رسانکدراں وتی شنگ کرتگیں درشان ءِ تھا پنجگور ءُ خاران ءِ اُرشانی زمّہ واری منّ اِتگ ءُ گوشتگ کہ مئے سرمچاراں گوستگیں روچ ءَ خاران ءِ دمگ لجّے کوٹوری ءَ پاکستانی پوج ءِ کاروان ھما وھد ءَ نشانگ کتگ وھدے آ لَس مھلوک ءِ بگیری ءَ لشکر کشی ءَ دزگٹ بوتگ –

جارکش ءَ گوشتگ کہ اے اُرش ءَ پاکستانی پوج ءِ سئے کارمند مُرتگ –

جارکش بیبگر بلوچ ءَ دیمتر ءَ گوشتگ کہ زیکیں روچ ءَ مئے سرمچاراں پنجگور ءِ دمگ سوراپ ءَ سی پیک دگ ءِ پھازداری ءَ برجاھیں ایپ سی پانگسے ءَ پانک جنوکیں یک کارمندے گوں دورجنگیں توپک ءَ نشانگ کتگ ءُ کشتگ –

گڈسر ءَ جارگش ءَ وتی درشان ءِ تھا گوشتگ کہ مئے اے وڑیں اُرش بلوچستان ءِ آجوئی ءَ داں برجاہ مان انت –