گل ءِ دومی بنجاھی پتر نیاد بیست ءُ شش داں بیست ءُ ھشت مارچ ءَ کراچی ءَ برجاہ دارگ بیت اِنت – بساک

بلوچ سٹوڈنٹس ایکشن کمیٹی ءِ بنجاھی جارکش ءَ رسانکدراں وتی شنگ کُرتگیں درشان ءِ تہ ءَ گوشتگ کہ گْوستگیں روچ ءَ دومی بنجاھی نیاد ءِ درگت ءَ بنجاھی پتر ءِ دیوان ءَ نیاد ءِ رمس گچین کنگ بیتگ اَنت –

آئی ءَ گوشت: گل ءِ دومی بنجاھی نیاد بنام ءِ گوستگیں کمک سرکماش فیروز بلوچ ،شھید پروفیسر رزاق بلوچ ءُ سنگت الیاس ءِ یات ءَ بیست ءُ شش، بیست ھپت، بیست ءُ ھشت مارچ ءَ ما کراچی ءَ برجم دارگ بیت اِنت –

جارکش ءَ گوشتگ کہ بلوچ اسٹوڈنٹس ایکشن کمیٹی یک مھکمیں نودربر گلے، ایشی ءِ بنھشت یک مھکمیں لیکہ ءُ راھبندی ءَ گوں پیوند اَنت – گل ءَ وتی برجاہ بیگ ءَ بگر داں روچ ء مرچی دُرسیں راجمستری لوٹانی رندگیری کُرتگ ءُ مدام گل ءِ جوڑیشت ءَ بُن رھبند دیم ءَ کُرتگ گل ءِ بن رھبندی لوٹ ءِ پد ءَ گل ھمک دوسال ءِ سر ءَ وتی بنجاھی نیاد ءَ برجم دار ایت ءُ ھمے درچ ءَ برجاہ دار ایت ءُ گل ءِ جوڑیشت ءَ دو سال سرجم بیگ ءَ گل ءِ نیمگ ءَ دومی بنجاھی نیاد ءِ جار جتگ۔