کراچی ءَ بیگواھیں بلوچانی ھاتر ءَ زھرشانی برجاہ

پاکستانی ریاستی پوج ءُ ھاکم سامراجیانی رودینتگین اَنت آھانی دیم ءَ ایمنی، جمھوریت، انسانی ھکانی برابری ھچ وڑیں بستار ندار انت – ماما قدیر بلوچ

سندھ ءِ مزن شھر کراچی پریس کلب ءِ دیم ءَ وائس فار بلوچ مسنگ پرسنز ءِ زھر شانی برجاہ، زھرشانی ءَ مروچی چار ھزار ءُ دوسد ءُ سی ءُ ھشت روچ سرجم بوتگ -بلوچ یکجھتی کمیٹی ءُ وائس فار مسنگ پرسنز آف سندھ ءِ باسکاں بنجل ءِ تر ءُ تاب کرتگ ءُ بیگواھیں مردمانی کھولانی گون ءَ دلپدردی درشان اتگ –

ھمے وھد ءَ وائس فار بلوچ مسنگ پرسنز ءِ رھشون ماما قدیر بلوچ ءَ اتکگیں مردمانی میان ءَ تران کنان ءَ گوشتگ کہ بلوچستان ءِ تہ ءَ تاکت ءِ زوراں یک دگے نوکیں راھے گِرگ انت کہ آئی ءِ تہ ءَ بازیں وڑ وڑیں وئیل ودی بنت – مارا شمشکار بوگی نہ انت کہ پاکستانی ریاست، آئی ءِ پوج ءُ ھاکم سامراجیانی رودینتگین اَنت آھانی دیم ءَ ایمنی، جمھوریت، انسانی ھکانی برابری ءَ ھچ وڑیں بستار ندار انت –

آئی ءَ دیمتر ءَ گوشتگ کہ پاکستان ءِ وتگڑیں جمھوریت بس شوہ بازی ءِ، پارلمنٹ ءِ تہ ئِے نندوکاں چہ درسیں واک پچ گرگ بوتگ انت آھاں بس ھمے اجازت دیگ بوتگ کہ آ لُٹ ءُ پُل، کرپشن، وتی لاپ ءَ پُر بہ کن انت ءُ وتی مڈیانی تہ ءَ گیشی بیار انت –

ماما قدیر بلوچ ءَ گوشتگ کہ پاکستانی ھاکماں بلوچ، سندھی ءُ پشتون راجانی بنکی سرڈگار ءِ سر ءَ زورگری کُتگ ءُ اھانی زند تباہ کُتگ، مروچی پاکستان ءَ بلوچستان ءِ تہ ءَ کھر آؤرتگ- بازیں بلوچ پرزندے پوجی لشکر کشیاں چہ شھید کرتگ ءُ وھدیکہ ھزارانی کچ ءَ آوار جتگ ءُ بیگواہ کتگ انت –

آئی ءَ گوشتگ کہ زورانسری آوارجنیانی رِد روچ مروچی یکشل ءَ برجاہ انت – میان اُستمانی برادری ءِ ھاموشی ءَ ریاست ءِ واستا ھوسلہ مندی سوب جوڑ بوگ انت چریشی ءَ چہ ریاست نوکیں پندل ءُ لُچی جوڑ کنگ ءُ بلوچ راج ءَ ھلاس کنگ انت –