انسداد منشیات کمیٹی بلیدہ زامران ءِ چیئرمیں سروکی ءَ اسسٹنٹ کمشنر ءِ گون ءُ گند ءُ نند

انسداد منشیات کمیٹی ءِ زامران ءِ نیمگ ءَ شنگ بیتگیں درشان ءِ تہ ءَ گوشگ بیتگ انسداد منشیات کمیٹی زامران ءِ سروک ھاجی برکت بلیدھی ءِ سروکی ءَ گند ءُ نند کنوکاں منشیات ءِ دارگ ءِ واستا پھزداراں گوں دزبندی کرتگ –

آیاں گوشت بلیدہ ءِ مھلوک ءَ وتی کمک ءَ وت جھد کرتگ ءُ منشیات بازیں گر ءُ دار کرتگ اَنت –

گند ءُ کنوکیں مردماں گوں اسسٹنٹ کمشنر ءَ گْوشت کہ سرکار ءِ اے زمہ واری بیت کہ آ منشیات ءَ بند بہ کنت بلے بلیدہ ءِ مھلوک ءَ وتی کوپگ دمگ ءِ پھزداراں گوں ھم کوپگ کرتگ اَنت –

آیاں گوشت کہ اگاں پھزدار ءُ سرکار مئے گپاں دلگوش نہ کنت گڑا ما لاچار بہ ایں اگاں سرکار اے زر فروشاں لگام کرت نہ کنت گڑا مھلوک ءِ نسل ءَ جان ءِ تھپز کجام رنگ ءَ بیت اِنت –

آیاں گوشت کہ بلیدہ زامران ءِ لھتے منشیات فروشانی نام پھزداراں داتگ اَنت بلے پھزدار سارتی ءَ نشتگ ءُ مئے داتگیں ناماں بس چارگ ءَ اَنت –

آیاں گوشت کہ بلیدہ زامران ءِ مھلوک ءِ کمک ءُ سرجمجں مکران ءِ مھلوک ءُ دگہ جاھانی کمیٹیاں ھوار کن ایں ءُ تربت ءَ کمشنر ءِ کارگس ءَ انگیر کن ایں –

آیاں گوشت انسداد منشیات کمیٹیانی گیش کن ایں ءُ سرجمیں بلوچستان ءَ زھرشانی درچاں برجاہ داریں –

انسداد منشیات کمیٹی بلیدہ زامران ءِ جارکش ءَ گوشت کہ نِی مھلوک ءِ اوپار ھلاس بیتگ منشیات ءَ سرجمیں بلوچستان تباہ کرتگ ءُ منشیات فروشانی چو یل کنگ ءَ ھمے سما بیت بلوچستان ءَ سرکار نیست اِنت –