کیچ: گروک ءَ پاکستانی پوج ءِ لشکر کشی برجاہ

ٹی بی پی پتر ھال ءَ سر بیتگیں ھالانی رد ءَ بلوچستان ءِ دمگ کیچ ءَ پاکستانی پوج ءِ لشکر کشی برجاہ اَنت –

دی بلوچستان پوسٹ

لشکر کشی کیچ ءِ دمگ گروک ءَ بوگ ءَ اِنت اود ءَ پوج ءَ سَے روچ اِنت کہ راہ ءُ دربستگ ءُ لشکر کشی کنگ ءَ اِنت –

دمگی مردمانی رد ءَ کوھی دمگاں لھتے مردم پکنک ءَ شتگ اَنت پوج ءَ دزگیر کرتگ ءُ لَٹ ءُ کُٹ کنگ ءَ پد یلہ کرتگ اَنت-

دمگی مردمانی رد ءَ پوج ءَ پکنک ءَ رؤکیں سیزدہ سالی ئیں گونڈوے گپتگ ءُ بے کساس ءَ جتگ ءُ ژند ءُ پند کرتگ، لشکر کشی ءَ پوج ءِ کساس سَے سد ءَ برز گوشگ بیگ ءَ اِنت-

زانگ بہ بیت بولان، ھرنائی، آواران ءُ کوھلو ءَ ھم پوجی لشکر کشیانی ھال اتکگ اَنت –

سیاسی ءُ چاگردی مردمانی گوشگ اِنت کہ بلوچستان ءِ بازیں جاھاں پاکستانی پوج ءِ لشکر کشی ھمک روچ برجاہ اَنت ءُ مروچیگیں لشکر کشیانی بارہ ءَ پوج ءِ نیمگ ءَ تنی وھدی ھال دیم ءَ نیاتکگ اَنت –