پسنی ءَ دراتکگیں دو گاڑی وئیل ءِ آماچ، بازیں مردمے زدگ بیتگ اَنت

ٹی بی پی پتر ھال ءَ سر بیتگیں ھالانی رد ءَ بلوچستان ءِ تیابدپی شھر پسنی دراتکگیں دو گاڑی وئیل ءِ آماچ بیتگ اَنت، چریشی ءَ بازیں مردمے زدگ بیگ ءِ ھال اِنت-

گیشیں ھالانی رد ءَ پسنی ءَ دراتکگیں الواجد کوچ ماکولا ءَ دگ ءِ وئیل ءِ آماچ بیتگ، چریشی ءَ سَے مردم زدگ بیتگ اَنت –

وئیل ءَ سَے مردم زدگ بیتگ اَنت، وئیل ءَ پد موٹروے پولیس ءَ زدگ بیتگیں مردم چِست کرتگ ءُ نزیکیں نادراھجاھاں برتگ اَنت –

ھمے وڑ ءَ کرولاگاڑی ءُ پسنی ءَ دراتکگیں وین سروس ھنگول ءِ نزیک ءَ وئیل ءِ آماچ بیتگ اَنت-

چریشی ءَ بازیں مردمے زدگ بیتگ اَنت، زدگ بیتگیں مردمانی تہ ءَ بازیں مردمانی جاور نگیگ گوشگ بیتگ اَنت –

زانگ بہ بیت بلوچستان ءَ ھمک روچ دگانی وئیلانی لس مردم زدگ ءُ بیران بیگ ءَ اَنت، چریشی ءَ ڈرائیورانی بے دلگوشی ءُ دگانی پُروشت ءُ پروشی ءِ سوب گوشگ بیگ ءَ اَنت –