گوستگیں روچ ءَ بلیدہ ءَ پوج ءِ گاڑی ءِ سر ءَ اُرش، اُرش ءِ زمہ واری بی ایل اے ءَ منّ اِتگ

گوستگیں روچ ءَ بلیدہ ءَ پاکستانی پوج ءِ واستا آپ بروکیں یک ٹنکرے کل کرتگیں بمب ءِ گون ءَ نشانگ کرتگ ءُ سرجم ءَ تباہ کرتگ – جیئند بلوچ

گوستگیں روچ ءَ بلیدہ ءَ پاکستانی پوج ءِ سر ءَ ناشناسیں مردماں اُرش کرتگ، اُرش بلیدہ گردانک ءَ کنگ بیتگ اود ءَ پوج ءِ گاڑی بمب ءِ نشانگ کنگ بیتگ –

دومی نیمگ ءَ بلوچستان ءِ آجوئی ءِ واستا جھد کنوکیں سلاہ بندیں گل بلوچ لبریشن آرمی ءَ بلیدہ ءَ پاکستانی پوج ءِ سر ءَ بیتگیں بمب اُرش ءِ زمہ واری منّ اِتگ –

بلوچ لبریشںن آرمی ءِ جارکش جیئند بلوچ ءَ وتی شنگ کرتگیں درشان ءِ تہ ءَ گوشتگ کہ گوستگیں روچ ءَ بلیدہ گردانک ءَ پاکستانی پوج ءِ سر ءَ ھما وھد ءَ اُرش کرتگ کہ گردانک ءَ پاکستانی پوج ءِ واستا آپ بروکیں ٹنکرے آئی ای ڈی ءِ نشانگ کرتگ –

آئی ءَ گوشت کہ آپ بروکیں ٹنکر بمب ءِ زد ءَ اتکگ ءُ چریشی ءَ ٹنکر سرجم ءَ تباہ بیتگ ءُ دشمنں پوج ءَ جانی ءُ مالی تاوانانی دیمپانی کنگ کپتگ –

جارکش ءَ گوشتگ کہ بلوچ لبریشن آرمی اے اُرش ءِ زمہ واری منّ اِت ءُ زوگریں پوج ءِ سر ءَ اُرش بلوچستان ءِ آجوئی ءَ داں برجاہ مان اَنت –