روکپتی بلوچستان ءَ ھوار ایران ءِ بازیں اُستاناں ھورانی گوارگ ءِ گمان

دی بلوچستان پوسٹ

مولم شناسانی رد ءَ ایران ءِ بازیں اُستاناں ھور ءُ برپ گواری ءِ گمان کنگ بیتگ اَنت –

ایران ءِ مولم شناساں شنگ کرتگیں جار ءِ تہ ءَ گوشتگ کہ مروچی ءَ داں دیم ءِ دو شمبے ءَ ایران ءِ بازیں جاہ روکپت ءُ رودراتک ازربائی جان، کردستان، زنجان،سمنان، اردبیل، گیلان، فارس، خراسان رضوی، سیستان ءُ بلوچستان ءُ ھرمزگان ءَ ترندیں گواتے ءِ آیگ ءِ گمان ھم کنگ بیتگ –

آزربائی جان، روکپت ءُ گوریچانی، کردستان، کرمانشاہ، لرستان، ایلام ءُ گوریچانی خوزستان ءَ برپ گواری ءِ ھواری ءَ ھورانی گوارگ ءِ ھم گمان کنگ بیتگ اَنت –

مولم شناسانی رد ءَ آزر بائی جان ءِ گوریچانی ءُ زرباری نیمگ ءَ، اردبیل، گیلان ءَ سَے شمبے ءَ ھورانی گوارگ ءِ گمان کنگ بیتگ اَنت –

مولم شناساں اے گپ ھم جتگ کہ مروچی دو شمبے ءَ بہ گر داں دیم ءِ چار شمبے ءَ دریا ورد شیوار کنگ بیتگ اَنت کہ اے گوات پہ دریا ورداں بیمناک اِنت ءُ آ وت ءَ بہ پھریز اَنت ءَ اے روچانی تہ ءَ زر ءَ مہ رو اَنت –

مولم شناسانی رد ءَ گوات ءِ ترندی دو نیم متر اِنت کہ ءُ اے گوات روکپت ءَ چِست بیتگ ءُ روکپتی بلوچستان ءِ زر ءِ نیمگ ءَ چل داں شست کیلو متر ءَ ترندی ءَ پیداک اِنت –