کوھلو ءَ نامداریں ازمکار بیران بوتگ

بلوچستان ءَ بازیں ازمکار نادراھیانی تھت ءَ کپتگ ءُ بیران بیتگ اَنت آیانی وتی سرجمیں زند ازمکاری ءَ گوازینتگ اَنت بلوچستان ءَ پہ ازمکاراں ھاسیں ادارہ نہ بوگ ءِ سوب ءَ ازمکار ٹوھیں جنجالانی دیمپانیانی آماچ اَنت –

دی بلوچستان پوسٹ

بلوچستان ءِ نامداریں ازمکار میر احمد وتی بنکی ھنکین کوھلو ءَ دل ءِ دورہ ءَ گپتگ ءُ بیران بوتگ –

آئی ءَ بلوچستان ءِ تہ ءَ چِل سال ءَ تاں وتی ازم ءِ درانگازی کرتگ – آ ناکہ تھنا وتی ھلک ءَ بلکیں بلوچستان ءِ کُنڈ کنڈ ءَ آئی ءِ زیمر اشکنگ بوتگ – بلوچستان ءِ تہ ءَ آئی ءِ وتی جتائیں پجارے بوتگ –

گوستگیں روچ ءِ سھب ءَ دل ءِ دورہ ءِ گرگ ءَ آ بیران بوتگ –

ازمکار میر احمد ءِ نماز جنازہ آئی ءِ بنکی ھنکین کوھلو ءَ وانگ بوتگ، سدانی کچ ءَ مھلوک ءَ بھر زرتگ ءُ کل ءُ کسارت کُتگ –