مستونگ ءَ ریل ءِ پٹی ءِ سرا اُرش، اُرش ءِ زمّہ واری بلوچ سلاہ بندیں گل بی ایل اے ءَ منّ اِتگ

مستونگ ءِ دمگ ولی ھان ءَ ریل پٹی تراک ناکیں شوروانی نشانگ کتگ – جئیند بلوچ

دی بلوچستان پوسٹ

ٹی بی پی پتر ءَ سربوتگیں ھالانی رِد ءَ گوستگیں روچ ءَ ناشُناسیں سلاہ بندیں مردماں مستونگ ءِ نزیک ءَ سُنگر ءَ ریل ءِ پٹی تراک ناکیں شوروانی نشانگ کُتگ، تراک ءِ آسرا ریل ءِ پٹی پُرشتگ ءُ تباہ بوتگ –

تراک ءَ پد دمگی پولیس ءُ فرنٹیر کور کارمنداں وت ءَ تراک جاہ ءَ سر کُتگ، سرجمیں دمگ وتی انگیر کتگ – بلے ھچ وڈیں دزگیری ھال داں انگت نیست ءُ اُرشکار درآھگ ءُ رؤگ ءَ سوبین بوتگ انت –

دومی نیمگ بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تھا اے اُرشے زمّہ واری منّ اِتگ گوشتگ کہ مئے سرمچاراں گوستگیں شپ ءَ مستونگ ءِ دمگ سُنگر ءِ نزیک ءَ ولی ھان ءَ ریل ءِ پٹی تراک ناکیں شوروانی نشانگ کُتگ –

جارکش جئیند بلوچ ءَ گوشتگ کہ تراک ناکیں شورہ “آئی ای ڈی” ءِ اُرش ءَ چہ ریل ءِ پٹی تباہ بوتگ-